Estudante Timoroan iha Israel Hola Rasik Tiket, husu Governu TL Aranja Aviaun.
Naunil Media (Dili), Representante Estudante Timor oan sira iha Israel, Joao Moniz Tavares, ejije no husu Governu Timor-leste Atu Aranja Aviaun hodi Lori sira fila Mai Timor-leste tanba Tiket neebe Atu lori sira fila,sira Rasik Mak hola,no husu Ba Governu Timor- Leste atu Aranja de’it Aviaun hodi transporta sira fila.
Estudante Hato lia hirak ne’e liu hosi Via WhatsApp Ho jornalista Naunil,relasiona Ho Infeksaun Covid-19 ne’ebe mak dadaun ne’e hahu Aumenta no Hamate ema barak iha Nasaun Israel.
“Ho esperansa boot husu nafatin ba Governu bele esforsu lais atu Lori ami fila ba Timor tamba ho situasaun neebe agora dadaun afeta hela iha Nasaun Israel mak pandemia Covid-19 neebe loron ba loron sempre aumenta, no espera katak estadu Timor-Leste lori ami Fila lalais iha Fatin nee” Dehan Estudante João Moniz Tavares ba jornalista Naunil media via de WhatsApp
João hateten sira koko halo ona liña de kordenasaun inklui kontaktu, hodi hetan informasaun katak Governu halo ona karta atu haruka Aero hodi deporta Sira,tanba situasaun ne’ebe oras ne’e Nasaun afeita Sae Makas iha Israel.
“Ami iha ona osan atu sosa ticket maibe aviaun la iha tan nee ho esperansa boot husu ba Governu atu tau atensaun ba ami nia nesisidade ne’e” nia hatutan.
Estudante ne’ebe hala’o estudu iha Nasaun Israel total ema, 72 ne’ebe hetan oportunidade iha 2020 husi Governu Timor-leste liu husi Ministeriu Agrikultura no Peskas ba hodi sira aprende iha Nasaun Israel kona-ba pratika agrikultura Modernu. Ivo/Emj8
