UPF Prende Sasan Kultura Timor Iha Fronteira
Naunil Media (Batugade), Polísia Nasionál Timor-Leste (PNTL) liuhusi Unidade Patrullamentu Fronteira (UPF), Companhia Postu Mozon, asegura sasan kultura ne’ebe timor oan sira tenta halo transaksaun ilegál iha liña fronteira.
Tuir Komandante UPF, Superintendente Euclides Belo,hateten, sasan kultura hirak ne’e UPF hetan liuhusi operasaun rutina iha fronteira terrestre Timor-Leste ho Indonézia.
“Ohin dader tuku 3:40, ita nia ekipa patrulla UPF Postu Mozon halo operasaun iha area Lessu Maliana no konsege asegura sasan kulturál timór nian, osan mean, aimoruk inklui motor tipu KLX 2 ne’ebé sidadaun sira uza no tenta halo transaksaun ilegál iha area fronteira.
Maibe sasan hirak ne’e,sei deskuñesidu tanba nain halai tama fali ba area Indonezia no ita nia membru sira la konsege kaptura”,dehan Euclides Belo, Kuarta (13/07).
Nia afirma, sasan hirak ne’e, asegura ona iha kompanhia Alfa, Tunubibi hafoin sei halo auto aprensaun hodi asegura iha Komandu PNTL Munisipiu Bobonaro hodi Prosesa kontinuasaun ba iha Ministeriu Publiku.
“Evidensia ne’ebe ita rekolla mak hanesan Belak Mean 252, Belak Mutin 94, Belak Mean Kiik 477, Belak Mutin Kiik 152, Lafa Mean 58 Lafa Mutin 24, Kaebauk 2, kelu/keke 10, Maskana 60, Morten 165, Mas Padi 19, Brinkus 124, korente mas padi 52, Mas Mean 5,”dehan nia.
Tanba iha mos Aimoruk balun hanesan Paramex 494, strip supertetra 195 Strip, puyer/bintang 180, Dexanltarsen Dexa 400, Strip Inza pakote 124, Konidin pakote 2046 no objeitu hirak ne’e priense ona auto aprensaun hodi asegura iha Companhia”,relata nia.
Oras ne’e, membru UPF nafatin halo vizilansia makas iha fronteira kontribui ba seguransa publika nune’e bele halo prevensaun hodi garante liña fronteira sai fatin seguru ba ema hotu,”tenik nia.Ana
