Traballadóra Timor Oan Nain Haat Grávida Iha Australia, Governu Sei Lori Fila

Naunil Media (Díli), Sekretáriu Estadu Formasaun Profesionál no Empregu (SEFOPE) , Julião da Silva, informa dadaun ne’e traballadóra (feto) timor oan nain haat (4) mak grávida (isin rua) iha Australia, no Governu konstitusionál da-ualu  liuhosi SEFOPE sei buka hela meius atu evakua mai Timor-Leste.   

“Traballadóra timor oan ne’ebé ho kondisaun grávida ne’e iha Australia hamutuk nain 4, tuir infórmasaun ne’ebé iha hosi sidadaun sira katak, sira prontu kontribui, importante iha voo, e governo mos bele ajuda sira atu nune’e bele halo kma’án liu- tan”, SEFOPE, Julião da Silva, ba jornalista sira hafóin sorumutuk ho Primeiru Ministru iha Palasio Governu, Tersa (09/06).

Durante sorumutuk, Julião da Silva, relata ba Taur Matan Primeiru Taur Matan Ruak, katak traballadór timor oan iha Korea-Sul nain 60 no iha Australia nain 30,  iha tempu badak sei fila hikas mai Timor-Leste, tanba sira nian kontratu remata ona.

“Mai update hela situasaun kona-ba ita nia sidadaun Timor oan sira ne’ebé nia kontratu remata ona iha Korea-Sul no iha Australia. Sira agora aplika fali visa protesta signifika traballadór ilegál ona”. Dehan Nia. Apm