FEATUREDIkus LiuNewsPolitika

Ángela ho Nia Grupu La’os Defende Maibe Kontra K-RDTL

Fahe Tutan

Naunil Media (Díli), Deputadu Partidu Libertasaun Popular (PLP), Francisco de Vasconcelos, hateten planu porta voz Rezistensia Nasionál Defende Justisa no Konstituisaun RDTL Ángela Freitas ho nia grupu mak antes ne’e deklara ona iha atu halo manifestasaun hatuun Prezidente Repúblika, ne’e la’os defende maibe kontra Konstituisaun RDTL.

“Iha deklarasaun Angela, hateten sei mobiliza forsa no seguransa atu kontra Xefe Estadu Timor-Leste rezigna-aan, ida ne’e de’it kontra ona konstituisaun”, Deputadu PLP, Francisco de Vasconcelos, ba jornalista sira liu husi konferensia imprensa Parlamentu Nasionál (PN),Tersa (01/09).  

Tuir Nia, deklarasaun mak Ángela Freitas hanesan ema bandida, no la’os atu defende justisa no konstituisaun maibe atu kontra fali konstituisaun.

Iha sorin seluk, Deputada Kmanek Haburas Unindade Nasional Timor Oan (KHUNTO), Olinda Guterres, konsidera atetude Ángela nu’udar asaun atu sobu nasaun no la’ós atu defende justisa no konstituisaun.

“Ha’u la fiar saida mak Ángela ko’alia, tanba sira la iha massa hatún hodi halo manifestasaun ne’e, Ángela ninia massa mak ida ne’ebe los”, tenik deputada ne’e.

Deputada ne’e hatutan, atu mobiliza organizasaun arte marsiál mos, nia membru organizasaun maka sé loos.

“Ha’u hakarak hatene, nia partidu de’it ema la hili, agora nia kontinua uza tan nia partidu, ne’ebé kontra tiha ona lei”, dehan Deputada Olinda.

Tuir planu iha loron 4 Setembru ne’e, Ángela Freitas ho António Ai-tahan Matak sei mobiliza massa hodi halo manifestasaun hasoru Prezidente Repúblika, Francisco Guterres Lú Olo iha Tasi Tolu Díli. Ana

Leave a Reply

Your email address will not be published. Required fields are marked *