Akara Partilla Planu Polítika SEKOMS ba FONGTIL

Naunil Media (Díli), Sekretáriu Estadu Komunikasaun Sosial (SECOMS), Merício Juvinal dos Reis “Akara”, Informa mai halo dialogu ho organizasaun naun Governamental (ONG) ne’ebé mak realiza husi forum ONG Timor-Leste (FONGTIL) hodi partilla informasaun kona-bá polítika planu SECOMS.

“Ohin halo dialogu ne’e espera ho dialogu sira ne’e iha regular para komunikasaun sosiedade sivil ho Governu ne’e la’o di’ak i bele ajuda sira nia Advokasia para tulun governu”. Dehan sekretáriu estadu komunikasaun sosial Juvinal Merício dos Reis “Akara” ba jornalista  sira iha salaun FONGTIL, tersa (15/02).

Nia hatutan, Tanba SECOMS kanal informasaun governu ba sidadaun, ne’ebé dialogu ida ne’e para iha interesante de’it entre sosiedade sivil ho Governu, tanba sosiedade sivil ne’e parseiru estratéjiku governu nian, no sira mak tau matan ba governu hanesan lalaok governu nian ne’e la’o tuir planu ou la’o tuir lei ka lae.

Akara haktuir, Dehan mós ba maluk sosiedade sivil sira i sira tenke kontinua ativu halo Advokasia.

“Ha’u dehan média hanesan meius komunikasaun ne’ebé sira bele halo utiliza halo Advokasia mais, tanba agora iha festa demokrasia ida ne’e ita hakarak edukasaun sivika ne’e sa’e maka’as liu tan”, Akara esplika.

Enkuantu edukasaun sivika kontekstu ida ne’e para fó konsensia no fó informasaun di’ak ba ita nia sidadaun sira, bele partisipa ativu iha eleisaun, tanba ita atu hili ita nia líder nasionál ita percija iha partisipasaun. I no mós edukasaun oinsá mak sidadaun ida-idak hatene nia direitu, dehan nia.

Iha fatin hanesan Diretór Interinu FONGTIL Helio Dias da Silva hateten, Objektivu realiza dialogu ohin loron nian ne’ebé ko’alia kona-bá relasiona ho situasaun polítiku rai laran,  no informasaun ne’ebé espalha iha media sosial, tanba ne’e liu hosi dialogu ida ne’e sociedade sira bele halo parseira ho governu hodi bele espalha informasaun ba públiku ho lolos.

Agora dadaun Fongtil halo ona koordenasaun ho Comisaun Nasionál De Eleicoês (CNE) katak, sosiedade sivil sei sai hanesan observador ba iha eleisaun ne’ebé sei mai, no ita hatene katak membru FONGTIL iha 250 pesoas ne’ebé namkari iha NGO nasionál  internasionál no lokal, nia hatutan.

Dau-daun ne’e ami alista hela sira ne’ebé servisu iha NGO atu sira bele hetan kartaun obrservasaun ba ita nia eleisaun,  ne’ebé  sei akontese iha fulan oin mai,tanba iha kalendariu dekretu lei kona-bá prosedur no orariu  ba Eleisoês nian,  no ami sei hahú halo konsolidasaun ba prosesu kampaña,  nia hskotu. LTS