KHUNTO Fó Apoia Humanitária Ba Vítima Inundasaun Becusi Kraik

Fahe Tutan

Naunil Media (Díli), Kuarta (18/03) ne’e, Partidu Polítiku Kmanek Haburas Unidade Nasionál Timor Oan (KHUNTO) fó apoia humanitarian ba komunidade vítima inundasaun iha aldeia Becuse Kraik, Suku Becora, Postu Administrativu Cristo Rei, Munisipiu Díli.      

Asaun karidade ne’ebé lidera hosi konseleiru máximu partidu Khunto, José dos Santos ‘Naimori Bukar’, hateten ho situasaun emejensia ne’e presija ema hotu nia apoia, nune’e Khunto mos hola papél fó kontribuisaun ba komunidade oituan ba komunidade vítima sira

“Ida ne’e hanesan situasaun ida mak emerjensia tebes presija ita hotu-hotu nia kontribuisaun ba sira, lalika hein de’it liu hosi polítika governu. Ita fó apoia ba komunidade ne’ebé afeta ba inundasaun, nu’udar Timor-oan ida nia asaun karidade iha tempu kuaresma nian”, hateten konseleiru máximu Naimori ba jornalista sira iha Becuse Kraik.

Líder polítiku ne’e dehan, nu’udar Timor aon tenki fuan nakloke ba malu liliu asegura komunidade ne’ebé mak afeitadu inundasaun.

“Presija tulun malu no kria amizade ho ema hotu-hotu nia moris diak iha nasaun ida ne’e”, dehan Naimori.

Xefe Aldeia Becuse Kraik, Alisia Soares da Costa, hateten lori naran komunidade agradese ba apoia umanitária hosi partidu KHUNTO.

Nesesidade bázika ne’ebe Khunto fó apoia komunidade vítima inundasaun iha aldeia Because Kraik mak, Fós saku 800, Rinso kaixa 800, Supermi kaixa 800 no mina goren kaixa 800.

Enkuantu antes ne’e, iha loron dahuluk komunidade vítima iha aldeia ne’e hetan uluk apoia umanitária hosi embaxada Japaun, Parókia Becora, Partidu FRETELIN, Sekretáriu Estadu Protesaun Sívil no tuir iha tempu badak PLP mos sei fó apoiu. Flo

Leave a Reply

Your email address will not be published.