Prezidente RTTL,EP Espera Tinan Ne’e Sei Dizitaliza Rttl Ho Kualidade
Naunil Media (Díli), Prezidente Radio Televizaun Timor-Leste Empreza Públiku (RTTL,EP) José Belo espera iha tinan ne’e nia laran dizitalizasaun Rttl bele ona ho ekraun kualidade HD tanba dadaun ne’e rttl sei analog.
“Kolega sira hatene katak dadaun ne’e rttl sei analog ami seidauk dizital, mas espera iha tinan ne’e nia laran duni dizitalizasaun ne’e bele iha ona ita boot sira nia ekraun, telespetadores sira nia ekraun ami bele mosu ho kualidade HD,” dehan Prezidente rttl, ep José Belo ba Jornalista sira hafoin remata enkontru ho Prezidente Repúblika (PR), José Manuel Ramos Horta iha Palásiu Prezidensiál Nicolau Lobato Bairru-Pite, kuarta (01/06).
José Belo esplika, Mensajen ne’ebé mai husi estadu tomak mai husi Prezidente Repúblika rasik ne’e kabe ba rttl nia ema sira, kabe mós ba estadu, kabe mós ba governu para atu bele investimentu ida ne’ebé mak forte para atu bele hadia liu tan kualidade estasaun servisu iha rttl.
Prezidente rttl, Ep hatutan, Iha dia 20 mós rttl sei halo lansamentu ruma, tanba 20 anos ona rttl uza nafatin edifisiu tuan, edifisiu ne’ebé mak husik hela husi okupasaun Indonézia ninian, iha dia 20 agora rttl felizmente konsege hetan oportunidade governu sei halo lansamentu primeira pedra ba uma foun ida ke sei harii duni iha Caicoli.
Líder rttl Ep ne’e hateten, Iha enkontru ne’e sira mós aprezenta ba Prezidente Repúblika Rttl,EP sei selebra nia aniversariu ba 20 anos iha dia 4 Juñu agora, loloos ne’e aniversariu halo iha dia 20 de Maio mas pur kauza iha aktividade bo’ot rua ke halo iha dia 20 entaun muda fila fali ba iha dia 4.
“Ne’ebé ami mai konvida sua excelensia Prezidente Repúblika hodi husu nia prezensa atu selebra hamutuk funsionáriu rttl tomak, sira ne’ebé mak sei iha rttl, sira ne’ebé mak laiha ne’ebá ona tanba ida ne’e atividade reuniaun ida ba kolega hotu-hotu ne’ebé mak liu husi rttl husi 1999 mai to’o agora, ami hotu-hotu hakarak hamutuk fali ho sira atu bele dada lia uituan ho kolega sira iha 20 anos ne’e”, tenik José Belo
Nia salienta, Prezidente Repúblika mós hateten katak xefe estadu iha programa barak maibé nia sei haree tempu nia bá, Primeiru nia hateten enprinsipiu prezidente Repúblika sei haree nia programa maibé iha indikasaun forte prezidente sei ba selebra hamutuk ho rttl, EP sira. *Jos
