PNTL : Viajem Finadu ba Munisípiu Sidadaun Labele Uza Kroat
Naunil Media (Manufahi), Komandante PNTL Munisipiu Manufahi, Superintendente Joni Viana das Regras, husu ba transporte públiku no privadu inklui pasajeiru atu labele uza atributus ka sasan kroat iha tempu viajem ba ida-idak nia Munisipiu.
“Fó hanoin mos labele lori sasan kroat hanesan tudik, rama ambon atu la bele difikulta loron matebian mak hotu-hotu hein, no pasazeirus sira bainhira viagem tenke kumpri regulamentu ne’ebe mak vigór iha RDTL”, Superintendente Joni Viana das Regras, ba jornalista sira iha Ailoklaran, Suku Babulo, Postu Administrativu Same, foin lalais.
Nia akresenta relasiona ho loron finadu, PNTl sei Halo passa revista ba Transporte públiku no transporte privadu, inklui pasajeiru sira ne’ebe halo viajem ba Munisípiu.
“Obsjetivu husi pasa revista ida ne’e atu eduka motorista sira, dalaruma motorista sira tula pasazeirus la uza kapasete se bainhira sira la uza kapasete polisia prontu atu eduka sira bele hasae sira ninia abilidade hodi sira respeita sira nia vida no respeita mos sinais Estrada”, dehan Joni Viana.
Nia dehan atividade halo passa revista refere hahu segunda loron 26 no sei remata iha loron 31 Novembru tinan ne’e. Nko
