PCIC Notifika Jornalista Raimundos Oki Ba Kazu Violasaun Segredu Justisa
Naunil Media (Díli), Polísia Sientifíka Invistigasaun Kriminal ( PCIC-Sigla Portugés) halo invistigasaun ba arguidu Raimundos Oki ne’ebe komete kazu Violasaun Segredu Justisa ne’ebe previstu iha artigu 291 husi kodigu Penal, bazeia delegasaun kompetensia Ministério Públiku ho númeru unico Krime (NUC) 0054/21 PGGCC.
Tuir Xefe Redasaun Media Oekusi Post, Raimundos Oki, katak Ministériu públiku delega kompetensia ba iha PCIC hodi halo prosesu investigasaun kona-ba krimi violasaun segredu justisa nian.
“Ha’u mos la hatene segredu justisia oinsa, nia husu ha’u, maibe ha’u uza direitu nonok, ha’u dehan segredu justisa liga kazu kona-ba visum obrigatoriu ba labarik Orfonatu sira topo honis ha’u hanoin notisia eskrita, video buat hotu fo sai tiha ona ba iha publiku”, Oki ba jornalista sira iha edifísiu PCIC Kaikoli, Kinta (30/06).
Nia hatutan, nia uza direitu nonok depois sei hein prosesu ba Tribunal. Tanba PCIC konstitui nia nu’udar arguidu ba iha kazu violasaun segredu justisia.
“Nu’udar jornalista ida hanesan mos sidadaun ida, tanba ne’e mak ohin ha’u mai koopera ho PCIC, ohin molok tuku 9 ha’u iha ne’e tiha ona, ne’e hatudu katak tenki koopera para atu haree kazu ne’e nia lala’ok oinsa”, Oki Esplika.
Jornalista ne’e informa, dadaun ne’e, nia sai hanesan arguidu ba kazu violasaun segredu justisia, tanba nia la hatene konteudu oinsa, ohin nia hili dalan direitu nonok, aban-bairua prosesu julgamentu iha Tribuinal depois ita foin hatene violasaun segredu justisa oinsa. Mj4
