Tribunal Movel Iha Manufahi, TDS Hala’o Julgamentu Ba Kazu 30
Naunil Media (Manufahi), Juíz Administradór Tribunal Distritál Suai (TDS), José Maria de Araújo, informa durante semana ida iha Manufahi halo julgamentu movel ba prosesu koletivu no singular hamutuk kazu 30.
“Julgamentu semana ida iha Manufahi ba prosesu kazu hamutuk 30”, Juíz Administradór Tribunal Distritál Suai, José Maria de Araújo, ba jornalista sira, iha postu PNTL, Manufahi, Kuarta (03/02).
José Maria de Araújo, esplika “kazu sira rejista iha Munisípiu ne’e (Manufahi) sei atende ba prosesu sira hanesan prosesu koletivu ho prosesu singular”.
Tuir planu julgamentu ba prosesu kolektivu hahú ona Fevereiru ne’e husi loron 01 to’o 03, no halo julgamentu ba prosesu Singular hahu Kinta loron 04 to’o 05.
“Prosesu kolektivu ho prosesu singular totál kazu hamutuk 30, prosesu ne’ebe mak aás liu kazu kríme violénsia doméstika, ofensas gráus, viólasaun no abuzu seksuál”, tenik nia
“TDS móvel garante katak liuhusi tribunál móvel semana ida iha munisípiu Manufahi sei finalíza kázu hamutuk 30”, dehan nia.
Antes ne’e, aktividade hanesan hala’o iha munisípiu Bobonaru, TDS finaliza kazu hamutuk 50. Nfm
