Jullu-Agustu TL Sei Simu Vasina Doze Hamutuk 500,000
Naunil Média (Díli), Porta-voz ba komisaun Inter-Ministerial vasinasaun kontra Covid-19, Dotora Danina Coelho informa, Governu Timor-Leste (TL), prepara atu simu 500,000 doses 1° vasinasaun kontra Covid-19.
“Komisaun Inter-Ministerial ba Planu vasinasaun Covid-19, vasina ida ne’e mai husi doasaun husi Governu Australia, Japaun nia 168.00 no Portugal nia 12.000 liu husi dalan doasaun Bilateral nó mós ne’ebe distribui husi mekanismu COVAX” Porta-voz ba komisaun Inter-Ministerial vasinasaun kontra Covid-19, Dotora Danina Coelho, ba jornalsita sira, iha salaun MSSI, Sexta, (16/07).
Nia akresenta katak Governu TL sei sosa mos vasina Pfizer BionTech atu bele administra ba labaraik ho idade 12-17 tuir rekomendasaun husi NITAG.
Lori Governut ho povu TL tomak nia naran apresia no agradese tebes ba apoiu husi parseiru sira.
“Ho ho nune’e Komisaun Inter-Ministerial Vasinasaun Covid-19 sei hala’o kampaña sein interupsaun,”Haktuir Porta- voz ba Komisaun Inter-Ministerial vasinasaun Kontra Covid-19
Nia mós ho Komisaun Interministerial iha nia reunião extreaordinario iha loron 13 de Jullu anunsia deliberasaun rua, ida kona-ba mudansa estratégia atu vasina tuir munisipiu ida-idak to’o remata.
Husu atu kontinua pratika hahalok prevensaun Covid-19 iha tempu hotu, inklui iha transporte publiku no wainhira halo viajen hosi ita nia uma ba munisipiu sira”
“Sira ne’ebé simu ona vasina daruak dalan ida ne’e mak di’ak liu atu hakotu trasmisaun Covid-19”Tenik nia.Ana
