Vise-MEJD António : Presiza Dezenvolve Talentu Hakerek Livru

Fahe Tutan

Naunil Media (Díli), Vise-Ministru Edukasaun Juventude no Desportu (MEJD), António Guterres, hateten presiza dezenvolve Timor-oan sira nian talentu  hakerek livru hodi sai kreativu liu-tan.

Vise-MEJD, António Guterres, ba jornalista sira hafoin lansamentu livru ho titulu ‘Ha’u Ho Belun Sira’ ba Pre-Eskolar, iha Otél Novo Turismo, Bidau, Kuarta (15/07).

“Timor-oan sira hakerek livru ne’ebé ligadu ho edukasaun inkluzivu buat ida ne’ebé furak, tamba ita presiza dezenvolve kreatividade, dezenvolve Timor-oan sira nian talentu. Ohin ita hotu asiste livru ne’ebé Mary Mackillop prodúz, ne’e  ajuda liu ita-nia manorin nain sira no fasilita estudante sira asesu ba edukasaun inkluzivu,  hanesan Timor-oan sente orgullu  inisiativa ne’ebé di’ak”, hateten Vise-MEJD, António.

Tuir Governante ne’e, atu hasa’e kualidade edukasaun tuir polítika  implementasaun ba edukasaun inkluzivu presiza halo divulsaun no  inplementa   hakerek nain sira.

Iha fatin hanesan reprezenta hakerek nain livru, Agnes Brites Maia, hateten hakerek ne’e la fasíl, maibé hakarak kuiñese  mundu tenke hakerek no lee barak.

“Ita hakerek ne’e la fasíl, maibé ita tenke hanoin mos lia-fuan sira ne’ebé ita uza hodi hakerrek. Ha’u intrese katak ita hakarak kuiñese mundu  ita tenke hakerek no presija lee barak. Entaun  rua ne’e tenke iha hotu ligasaun ne’ebé forte teb-tebes”, dehan Agnes.

Livru rua tiltulu ‘Inda Labarik ho Defisiénsia Fíziku’ pajína hamutuk 16 no livru ‘Ha’u ho Belun Sira pajína hamutuk 14. Tuir planu livru ne’e sei fahe ba pre-eskolár sira iha munisípiu 9 no Reijaun Oe-Cusse. Fet/Emj1/Emj3

Leave a Reply

Your email address will not be published.