MAE Entrega Ekipamnetus Eletroniku Ba Sede Suku Teritoriu TL
Naunil Média (Díli), Governu liu hosi Ministeriu Administrasaun Estatal (MAE), entrega ona eletroniku hanesan,Komputadór, Printer 452, UPS 452, ba suku sira iha teritoriu Timor laran tomak.
Serimonia distribuisaun entrega ekipamentus eletroniku ne’e, MAE Miguél Pereira de Carvalho hateten, Ekipamentus ne’e hodi hadi’a funsionamentu administrasaun sukus iha teritóriu Timor-Leste. Atu nune’e bele fasilita sukus sira bele kolabora ho orgaun servisu administrasaun públiku nian hodi tau matan ba interese públiku no komunidade.
“ Ohin ha’u mai iha autoridade Munisípiu Dili simbolikamente atu entrega komputador ida, printer ida no mós UPS ida ba suku hotu iha Munisípiu Dili”. Dehan Ministru MAE Miguel Pereira de Carvalho bá jornalista hafoin entrega Ekipamentu ba sefe suku sira iha Autoridade Munisípiu Dili, Kuarta (30/3)
Nia afirma, Programa Governu konstitusionál da-walu liu hosi MAE iha tinan ida ne’e disponibiliza komputador, printer, no UPS ida ba suku hotu-hotu iha teritóriu Timor-Leste tomak.
“ Apoiu ne’ebé mak ita fo hela agora daudaun ne’e mak Ekipamentu eletroniku sira, tanba ne’e importante tebes ba suku sira atu bele ajuda sira hala’o sira nia atribuisaun ne’ebé mak hatur iha lei númeru 9/2016 ne’ebé mak aprova lei de suku”. Tenika nia.
Iha sorin seluk sefe do suku Bemori, Cristalina Pereira Soares de Oliveira, Agradese tebes ba Governu tanba bele apoia ona ekipamentus eletroniku.
“ Ha’u hanoin ho komputador ne’e bele fasilita ami sefe suku sira tanba durante ne’e kolega sefe suku balun ne’ebé mak laiha komputador balun uja manuál hakerek ho liman de’it.. Dehan sefe suku Bemori. LTS
