Ministru Cárceres : Ezbosu Lei Kriminaliza Difamasaun Sei La Hamate Liberdade Espresaun

Fahe Tutan

Naunil Media (Díli), Ministru Justisa (MJ), Munuel Cárceres da Costa, hateten ezbosu lei kriminaliza difamasaun sei la hamate liberdade espresaun, la defende Governante no  polítiku na’in, maibe sei defende povu.

“Ezbosu Lei kriminaliza difamasaun ne’e la hamate liberdade espresaun, lei ne’e la defende governante sira no polítiku nain sira, lei ne’e sei defende povu. Lei ne’e la hateten la bele tolok governante.  Lei  ne’e dehan hanesan ne’e, la bele tolok ema la bele insulta o nia maluk, la bele bosok o nia maluk no la bele dun matak o nia maluk”, Ministru Munuel Cárceres da Costa, ba jornalista sira hafoin partisipa reuniaun Konsellu Ministru, iha Palásiu Governu, Kuarta (15/07).  

Nia esplika, “Ezbosu Lei ne’e la temi o ministru, prezidente, deputadu no jornalista, e lei ne’e rasik ba sidadaun. La  iha artigu ida defende ukun nain sira”.

Governante dehan, ezbosu lei difamasaun sei rona opiniaun husi parte hotu-hotu molok lori ba Konsellu Ministru.

“Artigu hotu-hotu defende direitu no ondra sidadaun nian no reputasaun sidadaun nian ne’ebé mak  ema  sente ofendidu, tanba ema seluk bosok hamonu nia ondra   ne’e mak lori kazu ne’e ba oin la’ós krimi públiku. Sé bainhira ema seluk bosok ha’u,  trata ha’u, maibé ha’u la keixa. Se keixa mak bele prosesu ba krime semí públiku”. Hakotu Nia. Lop

Leave a Reply

Your email address will not be published.