PDC Hakarak Hadia Sistema Justisa Iha Timor-Leste
Naunil Média (Balibó), Loron 30/4 Partidu democrata cristao (PDC) kontinua hala’o nia aktividade kampana ho tipu mini dialogu iha postu administrativu Balibó Munisípiu Bobonaro hodi komvense nia militante no apoiantes sira hodi vota ba PDC iha loron 21 fulan maiu tinan ne’e, nune’e bele reprejentante povu tomak iha Timor leste iha parlamentar hodi Hadia setor justisa.
Tamba ne’e hare ba situasaun realidade ne’ebé mak durante ne’e akontese, PDC nia observasaun ba setor justisa iha Timor leste seidauk la’o ho di’ak tanba lei balun proteze de’it ema bo’ot sira, Maibe povu Kiik sira nafatin sai vítima bá lei ne’e rasik.
Presidente partidu Demokrata cristão Francisco de Araújo avalia katak, daudaun ne’e Timor Leste iha de’it tribunal rekursu maibe ba oin PDC hakarak hari tan tribunal supremo.
“Justisa ne’ebé mak iha ita nia nasun ne’e la’o Diak ona, Maibe Ita presija atu hadia tan lei balun, nune’e ba oin ita sei hari tan tribunal supremo tanba dadun ne’e ita iha de’it tribunal rekursu”. Dehan prezidente PDC Francisco de Araújo ba jornalista Sira iha suku Balibo villa, posto administrativo balibo munispio Bobonaro
Líder politiku husi partidu ho numeru sorteiu sanulu resin neen ne’e optimista katak, PDC mak hetan asentu iha parlamentu nasional no involvimentu iha governo sei hadia lei balun inklui mos hadi sistema konstituisaun Republika semi prezidensial ba prezidensial.
“Ema hotu iha lei nia okos hari no haforsa tribunal supremo no ministério publiku hodi defende ema hotu nia direito ba justisa ne’ebé justu”. Dehan nia
Aleinde ne’e Estabelese tribunal munisipal hodi fasilita judiciário ba povu kada munisipius, Hadia atendimentu publiku, no hadia atendimentu konstituisaun da República husi sistema semi prezidensial ba prezidensial.
Enkuantu iha kampana mini dialogu ne’e hetan superviziona husi oficial CNE no hetan mos seguransa husi PNTL postu Balibó, tuir kalendariu ne’ebé mak aprova husi orgaun CNE katak, partidu ho numeru sorteiu sanulu resin neen ne’e sei Kontinua hala’o nia aktividade kampana iha RAEOA. Aba
