PDC Sei Hadia Seitor Infraestrutura Bazika Iha RAEOA
Naunil Média (RAEOA), Loron 1/5 Tama ba loron sanulu resin tolu, partidu demokrata cristão (PDC) hala’o nia aktividade kampana politika eleitoral iha suku Naimeko postu administrativu pante Makasar RAEO ne’e husu ba povu Oe-Cuse atu fo fiar ba PDC sei tau Programa prioridade ba iha setor infraestrutura bazikas iha RAEOA.
Prezidente PDC Francisco de Araújo avalia katak, iha Oecusse posibilidade tenki Fornese bee mos ba komunidade sira tanba maioria sedauk bele hetan bee mos, inklui mos hadia drainagen sira nune’e bele fornese bee ba komunidade sra nia natar.
“PDC iha programa ne’ebé hakarak atu prioritiza iha Oe-Cuse ne’e mak hadia bee dalan sira nune’e bele fornese bee ba ita nia komunidade sira nia natar, ne’ebé husu ba povu keta haluha vota ba PDC iha loron 21 fulan maio tinan nee”. Denhan presidente PDC ba jornalista sira iha suku Naimeko postu administrativu pante Makassar RAEOA
Nunee mos vise prezidente PDC Domingos da Costa profunda Liu tan katak, iha setor eletricidade seidauk la’o diak tanba relidade agora dadaun ne’e konsumidores sira tenki sena malu iha fatin publikus sira faan pulsa ba ne’e hodi la dun fo espasu ne’ebé mak diak ba komsumidores atu hola pulsa.
Tanba ne’e governo tenki kontrola iha sistema sira hotu ne’ebé mak nakonu ona, governu tenki iha planu atu troka lalais nune’e labele akontese tan antream iha Fatin publikus sira ne’ebé mak faan pulsa besik iha dalan bo’ot.
Enkuantu tuir orario ne’ebé aprova ona husi orgaun independe CNE, partidu PDC sei kontinua nia aktividade kampana ho tipu dialogu nafatin iha suku Naimeko Pante Makassar RAEOA, no iha mini kampana ne’e hetan superviziona husi oficial CNE no lá hetan seguransa husi PNTL RAEOA. Aba
