Xanana Sei Hasoru PR Lú Olo

Fahe Tutan

Naunil Media (Díli), Prezidente Partidu Congresso Nasionál de Recontrucão de Timor (CNRT), Kay Rala Xanana Gusmão lidera koligasaun foun sei ba hasoru malu ho Prezidente Repúblika (PR), Francisco Guterres ‘Lú Olo’ iha Palasiu Prezidensiál Bairo Píte, iha semana ne’e.

Tuir planu, hasoru malu ne’ebe atu akontese entre eis gerileiru komandante em xefe luta libertasaun nasionál, Kay Rala Xanana Gusmão lidera koligasaun foun ho Xefe Estadu Timor-Leste Lú Olo, ne’e sira atu koalia kona-ba destinu koligasaun foun ba forma governu da-sia, nune’e bele hakotu ona situasaun impase polítika rai laran.

“Koligasaun preparadu ona no husu ona atu audiensia ho Prezidente Republika, maun Bo’ot Xanana sei ba, sei nia (Xanana) la ba entaun koligaaun la kompletu”, hateten Xefe Bankada Parlamentar Partidu CNRT, Deputadu Duarte Nunes, ba jornalista iha resintu uma fukun, Kuarta (04/03).

Xefe Bankada Parlamentar Partidu CNRT ne’e hatutan, Prezidente Repúblika Lú Olo dekreta tiha karta demisaun husi atual Primeiru Ministru Taur Matan Ruak nian mak forma koligasaun bele forma fali nia Governu.

“Hau rona dehan sexta mak hasoru malu ho Prezidente Republika, karik aproveita bele aprezenta kedas indijita Primeiru Ministru foun”, dehan xefe bankada ne’e.

Karta koligasaun foun aprezenta ba xefe estadu iha loron 27 fulan Fevereiru tinan ne’e, ho nia konteodu koligasaun foun husu atu audensia ho Prezidente Repúblika Francisco Guterres Lú Olo. Ana

Leave a Reply

Your email address will not be published.