UNICEF Entrega Ekipamentu COVID-19 ba MS
Naunil Media (Díli), Tersa (25/08) ne’e iha Salaun SAMES (Servisu Autónomu Medikamentu Ekipamentu Saúde), Ministériu Saúde (MS) simu ekipamentu prevensaun COVID-19 husi UNICEF (Fundação das Nações Unidas para a Infância).
Reprezentate UNICEF,Valerie Taton, informa apoiu ekipamentu ne’e parte ida hodi responde ba COVID-19 iha Timor-Leste.
“Ita entrega ohin loron ne’e inklui ekipamentu protesaun pesoal hanesan, Luvas, maskra serurjika hamutuk 95, protetór oin, oklu seguransa, luvas izaminasaun”, Representante UNICEF, Valeria Taton, liu husi nia diskursu iha Salaun SAMES, Kampung Alor.
Nia esplika ekipamentu esensial sira ne’e atu garante seguransa ba profesional saúde sira atu oferese servisu saúde la ho risku ba sira-an rasik, ba labarik no família sira.
“Ha’u agradese ba Banku Dezenvolvimentu Aziatiku, Uniaun Europeia, Komite Nasional Australia, UNICEF ba finansamentu hodi hola ekipamentu sira ne’e hodi responde ba COVID-19”, tenik Nia.
Hahu COVID-19 mosu UNICEF oferese ona ekpamentu sira prevensaun ba Ministériu Saúde mak hanesan kama ba pasiente sira, karinu, termoskener 400 kontentor 2, ekipadu ba izolamentu no kuidadu saúde sira iha Vera Cruz no iha Fronteira Suai, aleinde apoiu meloramentu fasilidade bee moos, Saneamentu no ijiene sira iha sentru saúde 15 iha Municipiu 5 nomós ba futuru UNICEF sei prontu nafatin atu apoiu Timor-Leste liu husi Ministériu Saúde atu prevene impaktu COVID-19. Emj1/Dul
