Fundadór RONETIL : Implementa SS Fó impaktu Negativu Ba Negosiante sira
Naunil Media (Dili), Konsellu Fundadór Rede Observador Nasionál Eleisaun Timor-Leste (RONETIL) Laurentino Alves hateten guvernu implementa no estende implementasaun serka Sanitária fó impaktu negativu ba negosiante sira.
Tuir fundador ne’e, deklara serka sanitária hanesan dalan di’ak ida, Oinsa governu bele hamenus no hapara transmisaun surtu invisivel covid-19. Maibé serka sanitaria ne’e mos fó implikasaun ba atividade, nomos negosiu iha rai Laran.
“Husi implementasaun Serka Sanitária ne’e, ha’u fi’ar katak iha mos impaktu, negativ direita ba sirkulasaun ekonomi rai-laran. Negosiu bo’ot no ki’ik balun tenke taka temporaria, ba tipu negosiu sira ne’ebé laiha interaksaun direita ho ema-nia Moris. Atividades servisu públiku balun mos la funsiona tamba tenke kumpre situasaun Estado de Emerjensia (EE) no Serka Sanitária”adehan observador ne’e ba jornalista Naunil Media liu husi via whatsAp, sesta (19/03/2021).
Laurentino hatutan bazea ba nia observasaun maske durante ne’e situasaun Serka Sanitária ativa hela, Maibé governu sei nafatin fó espasu no fleksibilidade ba negosiu ho tipu de fornesementu alimentasaun no nesesidade moris lor-loron ni’an, ba komunidade sira. Maske nune’e tuir nia governu presiza duni estabelese serka sanitaria iha fatin hirak ne’ebé mak deteta ona surtu covid-19, maske fo implikasaun ba atividade negosiu.
“Iha situasaun hirak hanesan ne’e, governu mós kontinua implementa Serka Sanitária ba Munisipiu Rua hanesan Baucau no Viqueque ne’e Tamba akontese rezultadu teste ekipa Covid-19 iha Munisipiu rua ne’e deskobre ona sidadaun balun kontaminadu ka Kona infeksaun transmisaun lokal, ho nune’e bele hakotu korente de transmisaun moras Coblvid-19 ne’e’’ nia deklara. Jos
