Juridikamente AMP Sei Eziste
Naunil Media (Díli), Porta Voz Aliansa Maioria Parlamentar (AMP), António da Conceição, hateten koligasaun foun hanaran án Aliansa Maioria Parlamentár (AMP) Foun kompostu hosi partidu CNRT, KHUNTO, PD, PUUD, no UDT/FM, juridikamente sei eziste tamba liuhosi konferensia konjunta mak asina akta iha loron 22 fulan Fevereiru 2020 ne’e.
Porta voz AMP Foun, António da Conceição, ba jornalista sira iha bankada PD iha Parlamentu Nasionál, Sesta (15/05).
“Ha’u atu dehan de’it katak koligasaun foun AMP ne’e juridikamente sei iha. Agora KHUNTO ses ne’e tanba polítikamente atu ba apoiu oitavu governu maibé juridikamente seidauk bele, tanba prezidente KHUNTO ho nia sekretáriu Jerál mesak labele hakerek surat tahan cinta ida hodi fó hatene bá prezidente koligasaun Maun Bo’ot Xanana hodi dehan katak ami ses ona”, hateten Porta voz AMP Foun Kaloha.
Kalohan argumenta, partidu ida iha koligasaun nia laran atu sai tenke liuhosi konferensia ekstraordinária ida hodi deside sai ona hosi koligasaun, tamba desizaun ne’e koletivu hosi partidu la’ós prezidenti no sekretáriu jerál deit mak foti desizaun.
“Prosesu koligasaun tan sá mak koaligasaun, ne’e liuhosi halo kongresu mak deside, tanba ne’e sai mos tenke halo fila fali kongresu ida para anula tiha desizaun ida uluk, para depois sira bele hili”. Dehan Nia. Uar
