Kalohan Husu PR ‘Lú Olo’ Pronunsia Ezistensia Koligasaun Foun
Naunil Media (Díli), Porta voz Koligasaun Aliansa Maioria Parlamentar (AMP) Foun, António da Conceição, husu ba Prezidente Repúblika (PR), Francisco Guterres ‘Lú Olo’ atu bele pronunsia ona ezistensia koligasaun AMP.
Antes ne’e Koligasaun AMP Foun ne’ebe ona pedidu ba Xefe Estadu Timor-Leste atu pronunsia konaba koligasaun foun nia ezistensia iha loron 10 Marsu tinan 2020, no to’o tiha ona loron 60, maibe Prezidenti Republika seidauk halo deklarasaun ruma.
Porta voz Koligasaun AMP Foun, António da Conceição, ba jornalista sira iha bankada PD, Parlamentu Nasionál, Sesta (15/05).
“Prezidente koligasaun foun (AMP) fo autoridade ba hau hanesan kordenadór i hanesan porta voz AMP foun ba entrega fila-fali karta ida ba prezidenti republika, konaba atu husu deit Prezidenti Repúlika koalia netik buat ruma konaba ezistensia koligasaun foun AMP ne’e rasik”, haktuir porta voz Koligasaun AMP Foun, Kalohan.
Nia hatutan, “Informa mos konaba partidu KHUNTO, nia retirada husi koligasaun ne’e rasik Para Prezidenti Da Republika hodi hatene katak KHUNTO sai duni ona husi koligasaun ne’e rasik”.
“Ohin mos informa konaba pedidu sira ne’ebe antes ne’e ami ba entrega iha dia 06 hafoin dia 10 ami ba entrega ona konta rekezitus ne’enbe momentu prezidenti republika husu”, informa deputadu Kalohan.
Nia tenik, “Husu konaba prezidenti republika, pedidu sira ne’ebe antes ne’e ami hatama ona konaba rekezirus sira ne’ebe Prezidenti Republika husu hodi kompleta rekezitu sira ne’e, tamba ne’e ohin ami hato’o fila fali karta ba Prezidente Republika atu bele fo netik resposta ruma bele por eskritu nomos verbal atu nune’e koligasaun bele hatene lolos katak sei iha ka la iha”.
Tuir Nia, “Karta ne’ebe koligasaun foun hatama ba gabinete Prezidenti Republika atu fo hanoin mos ba Prezidenti Republika konaba partidu KHUNTO ne’ebe sai ona hosi koligasaun, maibe tuir lei partidu polítiku, partidu KHUNTO bele fo apoiu ba governu da-ualu maibe tuir lei paridu polítiku, partidu ida labele koligasaun dalarua. Uar
