Inisiu 2020, Sentru Saúde Baguia Rejistu Ás Moras ISPA
Naunil Media (Baguia), Inisiu tinan 2020 husi fulan Janeiru to’o Fevereiru ne’e, moras ho tipu Infeksaun Respiratóriu Aguda (ISPA-Sigla Português) rejistu ás iha Sentru Saude Postu Baguia, Munisípiu Baucau tanba kauza husi bailoron naruk.
Xefe Sentru Saude Baguai, Julia da Costa Freitas, hateten hafoin fó tratamentu ba komunidade iha Postu Baguia, Munisípiu Baucau, Tersa (18/02/2020).
“Husi tinan 2019 to’o iha tinan 2020 moras ne’ebé mak ás liu iha Sentru Saude Baguia mak ISPA rejistu hamutuk porsentu 90 (%). Moras tuir mai mak diarea rejistu hamutuk porsentu 70 (%) no Anemia rejistu prosentu 25 (%)”, relata Xefe Sentru Saúde Baguai, Julia da Costa Freitas.
Julia esplika, “moras ISPA mosu tanba kauza husi bailoron ne’ebé mak naruk komunidade sira ladun prevene ho diak. Bailoron naruk bee moos menus entaun komunidade sira konsumu ai-han la fase liman mak hetan moras refere”.
“Atu prevene moras ISPA tenke utiliza masker hodi taka ba ibun no inus para labele komsumu rai rahun sira. Nune’e mós bainhira atu han tenke fase liman ho sabaun. Tanba maioria labarik menóridade mak afeitadu moras ISPA”, esplika xefe Sentru Saude Baguia. Dvo
