Oan Soru Relata Selebrasaun Loron Veteranus ba PR

Fahe Tutan

Naunil Media (DILI), Ministru Veteranus no Kombatentes Liberasaun Nasionál, Gil Alves ‘Oan Soru’ halo enkontru ho Prezidenti Repúblika Francisco Guterres Lu olo, hodi informa Selebrasaun loron Nasionál Veteranus ne’ebé sei selebra iha dia 3 Marsu oin mai.

“ohin Ami mai enkotru ho Prezidente hodi hetan hanoin ruma relasiona ho selebrasaun loron Nasional Veteranus ne’ebé sei monu iha loron 3 fulan Marasu tinan ida,”dehan Ministru Veteranus Kombatentes interinu, Oan Soru ba jornalista sira hafoin hasoru malu ho prezidente da Republika iha palasiu prezidensial Bairu pite, tersa, (18/02/2020).

Oan Soru, hatete, Kona-ba Selebrasaun ne’e ita sei konvida Veteranu sira husi Munisipiu hotu hodi mai partisipa iha Eventu refere no kada munisipiu ida sei Konvida Veteranus Representante 20.

Atual Sekretáriu Estadu Veteranus née, salienta, kona-ba loron selebrasaun ne’e atu relembra fila Fali Memori husi Tinan 1974 to’o mai 1999, kona-ba Istoria pasadu ne’ebé sai hanesan lembransa ba istoria passadu.

“selebrasaun ne’e atu relembra Memoria husi 1974 to’o mai 1999, relembra hikas ita nia passadu, reafirma ita nia presente, prozekta ita nia Futuru,”nia hatutan.

Entaun oras ne’e dadaun Orsamentu Jeral do Estadu 2020 la passa, maibé dadaun ne’e Governante ne’e deklara iha nia ministru sei uza osamentu duadesimal ho total $102 milloes ne’ebé perkore iha Ministeru Refere.

Kona-ba total husi orasamentu ba selebrasaun loron Nasional ne’e, Oan Soru, laiha komentariu tanba seidauk iha Orsamentu ida ke fiksu.

Governante ne’e realsa, partisipa iha enkontru ho prezidente da Republika kompostu husi Komisaun oragnizadora Gil Alves (Oan suro ) nu’udar konselleru, Virgilio Smith, nu’udar prezidente komisaun oragnizadora, David Ximenes (Manudati), nu’udar konselleru, Vidal De Jesus ‘Riak Leman, nu’udar Konselleru. Dms

Leave a Reply

Your email address will not be published.