UNDP Aprezenta Programa Integradu Ba Komisaun E PN
UNDP (Programa Nosoens Unidas ba Dezenvolvimento) iha Timor-Leste, Kurta (19/02/2020) ne’e aprezenta programa integradu tolu hanesan inundasaun, abitasaun no green office ba komisaun E Parlamentu Nasionál (PN).
UNDP sei apoiu montante U$ 22 millões governu hodi ezekuta programa integradu ne’ebe mensionadu.
Deputadu Komisaun E trata asuntu ba infrastrutura no dezenvolvimentu, Fabião Oliveira, hateten programa intergadu hirak ne’e nesesáriu tebes ba dezenvolvimentu nasionál no ba povu ninia moris di’ak.
“Uluk halo duni uma ba komunidade sira maibe balun komunidade sira hela no balun sira la hela, tanba la fo ambiente ne’ebé diak ba sira nia saude ho ida ne’e maka komisaun E husu ba sira (UNDP) para uza materiál lolkal”, hateten reprezentante povu, Fabião iha uma fukun Parlamentu Nasionál.
Deputadu ne’e hateten liu tan, “Ita mos informa ba sira kaktak iha duni ita nia uma adat maka halo tau tua-hana nia sari e bele mos tau Au no sei bele tau mos materiais lokais ne’ebé maka ita seidauk identifika”.
Nia dehan, dadaun ne’e iha ona hanoin ba futuru konstrui edifisiu Parlamentu Nasionál ho materiál tradionál atu valorize identidade Timor-Leste. Ivo
