Konfrontu iha Baucau KHUNTO Entrega ba PNTL
Naunil Media (Manatuto), Ekipa susesu kandidatura Prezidente Repúblika ho numeru sorteiu 9 Armanda Berta dos Santos, husi partidu Kmanek Haburas Unidade Nasion Timor Oan (KHUNTO), Marito Magno informa, kazu iha Baucau sei entrega ba Polísia Nasionál Timor-Leste (PNTL) mak bele indentifika suspeitu sira.
“Akontesimentu ne’e ekipa Sucesu kandidatura Armanda Berta dos Santos nian, sei entrega kazu ne’e ba Polísia Nasionál Timor-Leste atu halo investigasaun , nune’e Semak sala lei mak sei kondena”, dehan Ekipa susesu kandidatura Prezidente Repúblika ho numeru sorteiu 9 Armanda Berta dos Santos, husi partidu Kmanek Haburas Unidade Nasion Timor Oan (KHUNTO), Marito Magno ba jornalista sira iha kampaña eleitoral iha munisípiu Manatuto, segunda (7/03).
Komfrontus iha munisípiu Baucau iha Domingu ne’e, komete husi apoiantes kandidatura Prezidente República Armanda Berta Do Santos no Apoiantes kandidatu Francisco Guterres “Lú Olo” Nian, ne’ebé rejulta apoiantes husi kandidatura Armanda Berta nian hetan tohar, kanek no harahun komunidades sira nia sasan, nia haktuir.
Ami komunika ona ekipa susesu husi Kandidatura númeru Sorteiu 6, atu hamutuk haree took nia motivu lolos, karik iha ema ruma mak apoiu husi kotuk, dehan nia. Ana
