Espoza PR Cidália Apoia Nesesidade Bázika Uma Kain 25 Iha Suku Hera

Fahe Tutan

Naunil Media (Díli), Sábadu (16/05) ne’e, Espoza Prezidente Repúblika (PR), Cidália Nobre Lopes Mauzinho Guterres, ho nia ekipa hakat ba Suku Hera Portu Administrativu Cristo Rei, Munisípiu Díli, hodi fó apoia nesesidade bázika ba Komunidade kbiít laek hamutuk uma kain rua nolu resin lima (25).    

Nesesidade bázika ne’e kompostu hosi Ai-Han mak hanesan, foos, Mina no supermi. Apoia ne’e liuhosi Gabinte Apoiu Atividade  konjuje  Prezidendente   Repúblika (GAAC-PR) nian.

“Apiu hirak ne’e hanesan programa prisipal hosi gabinte nu’udar asaun karidade ida ba maluk hirak ne’ebe mak presiza hodi  lolo liman ba  malu no ajuda malu liu-liu ba maluk sira  ne’ebé mak presiza liu”, informa Espoza PR, Cidália.

Inan Nasaun nian ne’e, realsa “Ha’u mos hato’o agradese ba maluk Timór-oan sira  ne’ebé mak  durante iha estadu emerjénsia, fahe ona apoiu ba viziñu sira ne’ebé halerik ba ai-han”.

Iha fatin hanesan Abitantte kbiít laek, Maria Élisia Correia, agradese ba espoza Prezidente Repúblika hanesan  inan nasaun nian ne’ebé bele fó ajuda  iha tempu defisil liu-liu  situasaun Estadu Emerjénsia

“Ha’u sente kontete tebes ho apoiu hirak ne’ebé espoza fó mai ami. Ami simu ho laran luak no agradese tebes ba  espoza Presidente   Repúblika. Durante estadu emerjénsia ami sente book aan la diak no la iha forsa, nunka hetan ajuda hosi ema seluk”, dehan Maria.

Apoiu ne’e hanesan programa prinsipál ida ne’ebé ba komunidade hirak ne’ebé mak  presiza tulun iha tempu susar. Dms

Leave a Reply

Your email address will not be published.