Evolusaun Variante Delta Iha Indonézia, Taur Influénsia Bo’ot Ba TL
Naunil Média (Díli) Primeiru Ministru (PM) Taur Matan Ruak, Hateten evolusaun Covid Variante Delta iha Indonézia ne’e influénsia bo’ot ba situasaun Timor-Leste (TL).
“Variante Delta ne’e iha tiha ita nia odamatan se ita bo’ot sira haree ita nia situasaun ne’e evolusaun Covid iha Indonézia, ne’e influénsia bo’ot ba ita nia situasaun rai laran, ita bo’ot sira haree tinan ida ne’e Marsu Abríl mai oin ne’e kuandu Indonézia liu-liu NTT makas, ita iha ne’e tama kedas kontaziu komunitariu”.dehan primeiru Ministru (PM) Taur Matan Ruak Hafoin sorumutuk ho ho Prezidente da Repúblika (PR) Francisco Guterres “Lú Olo” iha palásiu Prezidenti Nicolau Lobato Bairru Pite kinta, (08/07).
Xefe governu ne’e hatutan, agora iha nasaun vizinu sira lockdown, entaun Timor-Leste (TL) mós tenke preve katak puru mais ke taka oinsá moras bele tama i kuandu moras ne’e tama saida mak presiza halo, Timor-Leste (TL) tenke preparadu hanesan baibain dehan hein buat di’ak mas prepara aan mós ba buat aat ba Senariu pior, purizemplu tó iha ne’e mak hanesan mós nasaun Indonézia agora de’it problema iha oksizeniu hanesan Índia uluk oksizeniu problema.
“Se karik ita nia mak tama mai hanesan ne’e ita reasaun oinsa naturalmente, ita tenke infrenta tanba ne’e mak ami nia apelu ne’e ba ita nia sidadaun sira, mak ita tenke prepara ba Senariu pior dalaruma ita kontente ita vasina la’o di’ak dadus rezultadu Covid iha Díli no fatin seluk komesa tun”.Dehan Xefe governu
Taur hateten, governu naturalmente sei haree medidas tanba propriu Indonézia mós lockdown naturalmente faktus sira lockdown ne’e di’ak ba Timor-Leste (TL) iha tempu badak TL mós sei haree para halo nusa taka fronteira.
Iha biban ne’e Prezidente da Repúblika (PR), Francisco Guterres “Lú Olo” mós husu ba governu para tau matan nafatin ba fronteira Timor-Leste (TL). *Jos
