PDRT Husu Nia Fiskais iha Munisípiu Hotu Atu Kolabora ho STAE
Naunil Media (Díli), Liu husi Sekretariu jerál Partidu Demokrátiku Republika de Timor (PDRR), Matias Borromeu, Apelu ba fiskais partidu nian ne’ebé iha munisipiu 12 no RAEOA, atu kolabora ho Sekretariadu Tekníku Administrasaun Eleitoral(STAE), hodi konsensializa ba sidadaun sira ho tinan 16 ba leten hodi hakbesik ba a’an ba fatin resemsiamentu eleitoral.
“Liu husi konferensia imprensa ida ne’e Partidu Demokratiku Republika de Timor (PDRT),Hola inisiativa, hodi apelu ba fiskais tomak ne’ebé estabele ona iha postu administrativu 65 iha teritoriu Timor laran tomak,Tanba ne’e, estrutura nasional PDRT dala ida tan hakarak apelu hodi fo orientasaun politika, no orden servisu ba fiskais tomak ne’ebe destaka ona iha postu administrativu 65 iha teritoiu tomak hodi kolabora, kopera no servisu hamutuk ho parte tekniku STAE”, Dehan Sekretáriu jerál PDRT Matias Borromeu liu husi komunikadu imprensa ba jornalista sira iha sede Movel Danau 3, Kinta (8/7).
Lider partidu PDRT ne’e informa ba fiskais hotu hahu ohin ba oin atu ejerse funsaun no papel ho diak hodi kolabora, kopera no servisu hamutuk ho parte tekniku STAE nia, ne’ebé destaka ona iha postu ida-idak, atu konvense , konsola no konsensializa eleitores foun sira ne’ebe kompleta ona idade 17 atu hakbesik an ba sentru resensiamentu eleitoral.
Matias Borromeu Apelu mós ba kuadrus estrutura vertikal no horizontal, komisariu rede nasional komisariu, regionais no munisípais sira hotu ne’ebe,estabelesidu, husi nasional tó baze hahú servisu maka’as hodi konvense nafatin nia emar sira nune’e bele gaña komfiansa hodi kompete iha festa demokrásia.
“Apelu mós ba fiskais hotu, atu servisu makas no konsensializa sira liu-liu ba eleitores foun sira, atu registu hodi hametin hakbiit no habelar liu tan politika PDRT nian, ba ema hotu hotu iha teritoriu laran tomak hodi gaña konfiansa no hametin baze de dadus, hodi prontu kompete iha eleisaun presidensial no eleisaun parlamentares ne’ebé besik mai dadaun.” Tenik Sekjer.
Ho moto partidu ne’ebé hatete “PDRT ba Timor tomak, ita hotu ba PDRT hamutuk, ho PDRT hametin unidade nasioná,l haburas Demokrásia fó biban ba dezenvolvimentu progresivu i humanismu hodi kontribui ba nasaun nia diak no povu nia moris diak. IVO
