Grigorio Husu Funsaun Públiku Foti Sansaun Hasoru Diretór SEPFOPE

Fahe Tutan

Naunil Media (Dili), Prezidente Komité 12 Novembru Grigorio Saldanha husu ba Prezidente Komisaun Funsaun Públika (PKFP), atu foti sansaun ne’ebé todan ba Diretur SEPFOPE Bekora ne’ebé prátika abuzu poder no manipulasaun.

Nia argumenta Prátika abuzu podér hodi halo manipulasaun hanesan ne’e akontese bebeik ona iha Timor-Leste, no dalabarak halo povu  sira ne’ebé laiha kbiit, no nonok ho pasiénsia simu deit realidade, sai vítima bebeik. Tamba ne’e hotu maka, Comité 12 de Novembro desidi foti kazu

“Husu ba SE Sr. Sekretáriu Estadu SEPFOPE ho SE Sr. Prezidenti Komisaun Funsaun Públika atu foti sansaun todan ba prátika Abuzu Podér ho Manipulasaun ne’ebé Sr. Diretór SEPFOPE Becora halo dadaun ne’e, nune’e ba futuru kazu hanesan ne’e labele repete tan ba ema seluk, no labele hafoer governu atuál lideradu husi Sr. Primeiru Ministru Taur Matan Ruak, ho governu sira seluk ne’ebé tuir mai,” dehan liu husi konferensia imprensa ne’ebé hala’o iha loron Kuarta, (28/09).

Komité 12 Novembru mós husu ba SEPFOPE nia Direção Nacional de Emprego Exterior atu hatama fali joven Mariano Cohen da Silva nia naran ba lista kandidatu hodi ba serbisu iha área hortikultura iha Austrália, tamba ida ne’e nia direitu ne’ebé hetan liu husi manán teste, halao husi kompañia Connect Group Austrália.

Prezidente Juventude ne’e hateten liga ho problema kampo serbisu laiha iha rai laran, ne’ebé  obriga oan joven sira tenki ba buka serbisu iha rai liur, tanba ne’e sira husu nafatin responsabilidade ba ajénsia responsável sira atu rezolve jovens sira ne’ebé oras ne’e hetan hela problema iha rai liur hanesan toba deit iha jardin no fatin públiku sira iha Portugal. Nune’e mós husu, atu ba futuru, governu nia instituisaun relevante sira tenki iha konesimentu no kbiit kontrolu ba ajénsia sira ne’ebé trata asuntu deslokasaun  timoroan sira ba buka serbisu rai liur.

Sira mós husu atu governu buka dalan nafatin oinsá hamoris kampo serbisu iha nia rai laran, no hametin kontrolu ba sosiedade tomak, nune’e, kondisaun dame, moris hakmatek no respeita malu, bele lao diak iha rai doben Timor Leste.

Grigorio esplika liu tan katak atu atende pedidu kompañia Connect Group husi Austrália ba joven serbisu na’in sira husi Timor Leste, SEPFOPE nia Direção Nacional de Emprego Exterior rekruta jovem nain 13 hodi ba tuir teste ne’ebé halao ho dalan Online husi kompañia. Rezultadu teste, joven nain 6 mak manán atu ba serbisu iha área hortikultura iha Austrália.

Maibé desgrasadamente, lista ema nain 6 ne’ebé liu teste inklui joven Mariano Cohen da Silva, Veteranu Francisco Cohen husi Manatuto nia oan mane ne’e nia fatin, diretór SEPFOPE Becora halo manipulasaun hodi troka fali ho joven seluk ne’ebé laliu ka lakon iha teste. *Jos

Leave a Reply

Your email address will not be published.