Xanana Kontinua Hamoos Lixu no Rega Rai-Uut Iha Estrada

Fahe Tutan

Naunil Media (Díli), Sesta (20/03) ne’e, líder nasionál Kay Rala Xanana Gusmão hamutuk ho ekipa Bombeirus Munisípiu Díli nian kontinua hamoos lixu no lori bee ba rega rai-uut iha estrada ninin sira.

Rai-uut ne’e kauza hosi udan bo’ot iha Sexta (13/03) hodi hamosu inundasaun iha kapita Díli no komunidade barak mak afeitadu hosi dezastre naturais ne’e.

Nune’e líder karismátiku Kay Rala Xanana Gusmão hola inisiativa hodi kontinua hamoos lixu no rega bee ba rai-uut iha area diresaun estrada Merkadu Taibesi nian, suku Kulu-Hun, Postu Adiministrativu Cristu Rei, munisípiu Díli tanba bele fó impaktu ba komunidade sira nian saúde.

Tuir observasaun Naunil Media iha terenu nota katak, limpeza ne’e, lídera hosi eis gerileiru komandante em xefe FALINTIL, Kay Rala Xanana Gusmão ho ekipa Bomberus no komunidade iha Taibesi hosi dader to’o remata.

Iha komunidade Taibesi nia leét, ho oin midar ‘Avo Nana’ lasente kolen no baruk, maibe líder históriku ne’e lori mangeira rega rai-uut iha estada ninin sira.

Kay Rala Xanana Gusmão akompana máximu hosi komunidade Taibesi tomak, juventude hodi tun halo limpeza no hetan akompana mos hosi Polícia Nacionál Timor-Leste (PNTL) unidade Tránzito munisipiu Díli nian. Lop

Leave a Reply

Your email address will not be published.