Status Governu La Stavel, Labele Obriga PN Altera Lei Jestaun Finanseira

Fahe Tutan

Naunil Media (Díli), Xefe Bankada Partidu Demokratiku (PD), António da Conceição ‘Kalohan’, hateten governu hatama proposta alterasaun  Lei Jestaun Finanseiru la nesesariu ba situasaun actual, tanba ne’e labele obriga Parlamentu Nasionál (PN) atu altera lei refere.

Xefe Bankada PD, António da Conceição ‘Kalohan’, hato’o asuntu ne’e ba jornalista sira hafoin partisipa diskusaun meja redonda entre membru Parlamentu Nasionál ho sosiedade sivíl, ne’ebe organiza hosi International Republican Institute (IRI) iha Tower Bar Fatuhada, Sesta (20/03).

“Lei orsamentu no jestaun finanseiru ne’e lei estruturante, ne’ebe hau hanoin governu labele obriga ami atu altera, maibe governu so ba husu deit osan para atu gasta mas muda lei ami sei labele muda, tanba ne’e la’ós buat ida ne’ebe mak  governu ho kondisaun ida estavel, estatus ne’e ‘antara hidup dan mati’ tanba ne’e, ba PD la nesesariu”,  argumenta Kalohan.

Tuir líder polítiku ne’e, katak la fasíl atu halo alterasaun ba lei jestaun finanseira, tanba atu muda lei jestaun finanseiru ne’e só ligadu ba orsamentu jeral estadu.

“Ami sei estuda ida ne’e tanba nesesidade saida mak atu altera lei ida ne’e hodi garante osan to’o outubru, ami la halo alterasaun. Pedidu levantamentu ne’ebe governu aprejenta ne’e ita haree ba nesesidade  povu nian, atu responde inundasaun, corona virus ne’e sei tetu maibe tenke iha kapasidade atu gasta  la’ós rai osan to’o  fulan outubru ne’e labele”. Deha nia. Uar

Leave a Reply

Your email address will not be published.