Timor Oan Ida Pozitivu Kazu COVID-19, Uma Kreda Husu Sarani Sira Selebra Missa Iha Uma
Naunil Media (Díli), Arsebispu Metropolitan Díli, Dom Virgílio do Carmo da Silva, SDB, hateten sarani sira atu reza deit iha uma no halo comunñao espiritual no ba amu lulik sira selebra nafatin missa sem assistensia do povo.
Arsebispu Metropolitan Díli, Dom Virgílio do Carmo da Silva, SDB, fó sai deklarasaun ofisiál ne’e liu husi komunikadu pastorál iha Sekretariadu Kámara Ekleziastika Lesidere, Sábadu (27/03).
“Missa sira hotu, dominical no diaria iha igreja paroquial ho nia capela sira hotu, hau husu ba sarani sira atu reza deit iha uma no halo comunñao espiritual. Husu ba amu lulik sira atu selebra nafatin missa privada (sem assistensia do povo) hodi reza ba sarani sira nian diak,” hateten na’i lulik ne’e.
Arsebispu Metropolitan Díli, Dom Virgílio do Carmo da Silva, SDB, hatutan, “Nudar ita hotu hatene corona virus fasíl tebes atu daet husi ema ba ema, tanba ne’e hau atan hola medidas atu evita corona virus ne’e, habelar iha komunidade iha Timor oan sira le’et hodi hein dezisaun ikus hosi Conferencia Episcopal Timorense”.
“Hau husu ba Amu lulik sira hotu ne’ebe hela iha vigáraa Díli ho paroquia Dare atu executa desizaun hirak ne’e, sem rezerva hodi proteje ita nia povu hosi ataque corona virus, ba sarani sira hotu arquidiocese metropolitana Dili nian, hau atan husu atu badinas nafatin halo penitensia orasaun ho caridade no labele tama pániku, maibe hein nafatin ho laran metin ba MAROMAK nian laran luak ho nia domin rohan laek ne’ebe ita koko to’o biban ida ne’e”. Dehan Nia. Ana
