Timor Oan Ida Identifika Pozitivu Suspeitu COVID-19

Naunil Media (Díli), Ministériu Saúde Interina Elia António de Arújo dos Reis, hateten pesoal saúde deteta ona Timor oan ida positive suspeitu afetadu ba Corona Virus (Covid-19).

Ministériu Saúde Interina Elia António de Arújo dos Reis, ba jornalista sira liu hosi konferensia inprensa iha Ministeriu Saúde Palasiu Sinzas, Kaikoli (21/03).

“Kazu primeiru Covid-19 deteta ona iha Timor-Leste, ema ne’e foin fila hosi rai liur, agora dadauk izola hela iha nia uma, nia kondisaun di’ak otuan”, deha Elia

Ministra ne’e hatutan, Departamentu vizilansia epidemiologia investiga kedas kazu ne’e atu análiza risku ba públiku no ema ne’ebe kontaktu ho ema ne’e.

“Ema ne’e agora dadauk izola hela iha fatin adekuadu saúde nian, Departamentu vizilansia sei kontinua monitor ema ne’e lor-loron no ida ne’e la bo’ot ba públiku”, dehan governante ne’e.  

Elia afirma, risku la boot ba publiku, tanba suspeitu ne’e informa kedas nia an ba pesoal saúde, wainhira nia sente nia an hetan sintomas Covid-19 nomos nia izola an kedas.

Nia hatutan, Kazu seluk tan sei hein rezultadu husi laboratórium, nune’e apela ba populasaun tomak favor bo’ot kompri nafatin meius sira ne’ebe orientasaun hosi Organizasaun Mundial Saúde (OMS).

Husu ba entidades hotu-hotu atu atensaun no servisu hamutuk hodi kontrola fronteira sira hodi kombate Corona Virus Desiase (Covid-19).

Entertantu parte ministériu saúde la fó sai identidade lolos ba suspeitu ne’ebe agora iha Timor-Leste sai ona rezultadu pozitivu ba moras Corona Virus (Covid-19).Uar