Meza Foun PN Sei Hatuur Hikas iha 04 Setembru, Deputadu CNRT Sei La Partisipa
Naunil Media (Díli), Vise Um Prezidente Parlamentu Nasionál (PN), Maria Angelina Lopes Sarmento, hateten reunian entre bankada parlamentár disidi ona atu harii hikas meza foun PN iha loron 4 fulan Setembru ne’e, maibe deputadu CNRT sira deklara ona sei la partisipa.
“Reuniaun bankada dauluk nian kona-ba planu Parlamentu Nasionál nian atu harii hikas meza Parlamentu ne’ebé hetan estragus iha fulan Maiu liu-bá, nune’e sei harii fali iha 4 Setembru loraik”, hateten Deputada Maria Angelina Lopes Sarmento, ba joranlista sira iha resintu PN, Tersa (01/09).
Iha sorin seluk, Vise xefe Bankada Congresu Nacionál Reconstrução Timorense (CNRT), Patrocino Fernandes, deklara deputadu/a sira husi CNRT sei la partisipa iha prosesu ba harii hikas meza foun Parlamentu Nasionál iha loron 4 fulan Setembru ne’e.
“CNRT sei la partisipa iha prosesu serimónia harii meza foun, ho razaun meza parlamentu nasionál rahun ne’e kestaun viola Konstituisaun Repúblika Demokrátika Timor-Leste (K-RDTL) nian” aprofunda Deputadu Patrocino.
Tuir Plano Parlamentu Nasionál iha dia 3 fulan Setembru ne’e sei halo serimónia kultural no dia 4 iha missa hala’o iha Katedaral molok hatuur fali meza foun parlamentu nasionál. Ana
