FEATUREDGeralNewsOpiniaun

Komunidade Ainaro, PR 2022-2027, La’os Ema Seluk, Mak Jenerál “Lere”

Fahe Tutan

Naunil Média (Díli), Hafoin vizita Munisípiu Ainaro, hodi halo deklarasaun ofisiál ba kandidatura hodi kompete iha Eleisaun Prezindesiál, Komunidade sira expresa sira nia hanoin katak, Esperansa bo’ot, Tenente Jenerál reformadu, Tito da Costa Cristovão, ho naran koñesidu revolusionáriu, “Lere Anan Timur.” Mak sei sai Prezidente da Repúblika la’os ema seluk tan. 

Tanba hare’e ba mandatu nu’udar Xefe Estadu Maior, Falintil- Força Defeza de Timor-Leste (F-FDTL), Tenente Jenerál, Lere Anan Timur, Sempre motiva no fó hanoin ba lider nasionál sira ne’ebé uluk komanda funu, tu’ur hamutuk hodi lori dezemvolvimentu ba povu no rai doben Timor-Leste tuir mehi asu’wain sira nian.

Lere mós sempre apela ba povu Timor-Leste li-liu juventude sira atu kria nafatin unidade ho estabilidade hodi hare’e ba futuru nasaun nian, Tanba Juventude sira mak sai airin nasaun ne’e nian.

Komunidade iha Munisípiu Ainaro, Marito da Silva, Hateten, Iha Eleisaun Prezidensiál ida ne’e Lere Anan Timur, Tanba ami nia esperansa atu ba tu’ur iha kadeira Prezidente Republika iha Ai-tarak laran.

” Ainaro laiha duvida atu lori tenente, Jeneál Lere, ba tu’ur iha kadera Prezidente da Repúblika iha periodu tinan 2022-2027, Tanba hare’e nia sakrifisu durante luta hasoru invazaun to’o ohin loron la nunka hakiduk pasu ida ba kotuk, Maibé sempre kontribui nafatin ba rai doben ida ne’e, Liu hosi tinan narauk servsiu Instituisaun Estadu F-FDTL,” Dehan Marito da Silva, Hafoin partisipa serimonia deklarasaun ofisiál, Tenente Jenerál, Lere Anan Timur, Iha Munisípiu Ainaro villa, Sabdu, (05/02).

Nia haktuir, Lere Anan Timur lider funu nain ida ne’e simplesidade hadomi nia povu no nia nasaun, no lakohi atu povu ne’e terus ba bebeik, sempre hatudu no apela ba sidadaun ho lider nasionál atu respeita malu hodi lori Timor-Le ba oin.

Nia hatutan, Maske Lere Anan Timur kandidatu indepedente iha Eleisaun ida ne’e, maibé povu Timor-Leste sempre tula liman ba Lere ba Prezidente da Republika hodi hadi’a no halo’os buat balun ne’ebé dadauk prejudika povu nian moris.   

Iha sorin seluk, Juventude Cancio Alves mós haktuir, Tempu to’o ona atu Lere Anan Timur, ba Tu’ur iha kadeira Prezidente da Republika hodi hatudu ba ukun lolo ba povu Timor-Leste.

” Tempu to’o atu Tenente Jenerál, Lere Anan Timur, ba tu’ur iha kadeira Prezidente da Repúblika, Hodi hatudu ukun lolos ba povu Timor-Leste, no mós hatu’ur justisa no lia los ba ema hotu, Tanba hakarak de’it mak paz no estabilidade tanba hirak ne’e mak xave ba dezemvolvimentu.” Tenik nia, Hodi hatene ba Baner Lere anan Timur, Ne’ebé Komisaun estabelese iha iha Serimonia ne’e, ne’e hateten ” Hau Laiha Osan Atu Fahe Ba Povu, Hakarak De’it Justisa Paz No Estabilidade Ba Ema Hotu, Tanba Hirak Ne’e Mak Xave Ba Dezemvolvimentu.

Iha fatin hanesan, Rozalia do Carmo mós akresenta, Kadera Prezidente da Repúblika ba Jenerál Lere Anan Timur la’os ema seluk, Tanba hare’e Eleisaun Prezidensiál iha tinan kotuk liu ba, Xanana Gusmão, Ramos Horta, Taur Matan Ruak, no Francisco Guterres Lú-Olo nain ha’at ne’e asume ona pasta Prezidente da Repúblika.

” Tempu ona atu Tenente Jenerál reformadu, Lere Anan Timur, ba tu’ur iha kadeira Prezidente da Repúblika hodi hari’i paz no estabilidade lori dezemvolvimentu ba rai doben Timor-Leste.” Haktuir Rozalia.

Entertantu, Prezensa Tenete Jenerál Lere Anan Timur, Iha Munisípiu Ainaro, Komunidade sira antuziasmu tebes hodi hein no simu ho haksolok, Tanba Tenete Jenerál Lere mak esperansa komunidade rai Ainaro nian.

Hafoin atu haka’at tama fatin serimonia deklara ofisiál kandidatura, tenente Jenerál Lere, simu ho dansa kultura no tara tais tuir kultura rai husar Ainaro nian. Latu   

Leave a Reply

Your email address will not be published. Required fields are marked *