Misaun INCT, Promove Siensia Teknologia Ho Edukativu
Naunil Media (Dili), Prezidente Executivu Institutu Nasional Siensia no Teknologia (INCT), Jose Cornelio Guterres Informa, governu Timor Leste (TL), iha misaun atu promove Siensia Teknologia no edukativa liu husi hala’o peskiza.
Esforsu real ida ne’ebe governu TL atu rona maka iha 2014 iha ona INCT bazea ba dekretu Lei numeru 23/2014, iha misaun prinsipual atu promove Siensia Teknologia no edukativu.
” Iha esforsu ida ne’e iha Tinan 2019 INCT koopera ho universidade pribadu no publiku sira hala’o peskiza iha area sira hanesan turizmu, edukasaun, generu no agrikultura no iha area sira seluk”. Dehan Prezidente ezekutivu INCT, Jose Cornelio Guterres, iha nia diskursu, iha salaun Delta Nova, Segunda (15/11)
Prezidente INCT hateten, tuir rezultadu ne’e sai nudar referensia iha ensinu akademiku no mos ba formasaun politika, iha tinan 2021 kontinua kolabora ho intituisaun peskizador.
Nia haktuir, Husu universidade sira tau lori ba publiku hala’o peskiza inklui iha area sira hanesan ekonomia, edukasaun, agrikultura, relasaun internasional no mekanika lokal mos sei aprezenta.
” Iha 2021 INCT kopera ho linas ministerial sira hala’o estudus balun liu-liu ho FCH nian ne’ebe nia rezultadu bele hadia Liu tan FCH nia servisu iha futuru, no ba oin siensia Sei promove liu tan koperasaun ida diak entre instituisaun ensinu superior no sosiedade sivil sira atu bele hamosu idea inovadora, teknologia ba dezenvolvimentu nasional ne’ebe inkorpora mos iha planu estrateziku nasional”. Nia esplika
Nia informa, Planu estrateziku ba dezenvolvimentu nasional 2011-2030, ho obejtivu dezenvolvimentu sustentavel 2030. LTS
