Pasqual Helik An iha Baraka, Lamerese Hodi Hela
Naunil Media (Manufahi), Pasqual da Costa “Morais” ho tinan 62 helik an iha Baraka ne’ebé mak lamerese ba nia hodi hela ba, lokaliza iha suku Holarua, postu adminsitrativu Same, munisípiu Manufahi.
“Loron no kalan helik an ka hamahon an de’it uma ida ne’ebé mak lamerese ba ita ema moris hodi hela iha fatn ida ne’e”, dehan Pasqual da Costa “Morais” ne’ebé mak Naunil Media hasesu iha pajina FB CEFOBOM, tersa (15/02).
Iha pajinan ne’e haktuir, Pasqual ho kondisaun defisiensia fiziku ema la normal, ne’ebé mak hela mesak iha barak oan ida, dok tebes husi família sira.
Observasaun CEFOBOM nota Pasqual nia uma kakuluk taka ho kalen, no didin de’it ho au, hodi fó mahon ba nia, wainhira loron haksumek ba kalan Pasqual deskansa iha fatin simples ida ne’e hamutuk ho nia animal sira, ne’ebé mak nia hakiak ba.
Wainhira rai nakaras hahú lakon dadauk no makfilak ba naroman, Pasqual tenke lao ba buka bukae ruma ka ai han ruma iha viziñu sira hodi hatutan nia iis moris.
Pasqual mós husu tulun ba ukun na’in sira loke matan hodi haree no ajuda nia hodi nia bele hetan uma dignu ba nia hodi nia hela ba. #Lop
