Suspeitu COVID-19 Iha TL Sa’e Ba 49

Fahe Tutan

Naunil Media (Dili), Porta voz COVID-19 Dra, Odete da Silva Viegas, informa dadus hosi Kuarta (08/04) ne’e suspeitu COVID-19 iha Timor-Leste (TL) sa’e ba 49.

Dadus refere kada loron ekipa sentru integradu jestaun krize update kazu COVID-19 iha teritóriu Timor laran tomak. Kazu COVID-19 suspeitu iha Timor-Leste aumenta ba 49, totál parte rua konfinamentu obrigatóriu no autokonfinamentu hamutuk 918, provavel 3, negativu hamutuk 45 pozitivu nafatin 1 (ida).

Porta voz COVID-19 Dra, Odete da Silva Viegas, ba jornalista sira liuhosi komunikadu imprensa iha Media Senter Centro de convencões de Díli (CCD).

“Iha ne’e ita koalia sobre konfinamentu obrigatóriu ho autokonfinamentu totál  hamutuk 918, hosi parte rua ne’e ita fahe fali ba grupu rua mak konfinamentu obrigatóriu totál hamutuk 869, ida ne’e inklui ona hosi Díli ho munisípiu, autokonfinamentu ka autokuarentena dadus ohin totál 49, totál numeru pasa ona 14 dias, loron ohin hamutuk 779, suspeitu aumenta 49, hein teste laboratóriu provavel hamutuk 3, negativu aumenta 45, kazu konfirmadu nafatin 1”,  relata Odete.

Odete husu, sidadaun sira ne’ebé sai hosi kuarentena nafatin mantein distánsia sosiál no fase liman bebeik, karik  iha sintomas ruma isin manas, mear, dada i’is bo’ot no dada iis susar halo favór kontaktu ba númeru 119 profesionál saúde sira.

“Ba komunidade tomak ho ita hotu  nia objetivu mak kria kolaborasaun hodi bele kontribui nafatin ba kombate COVID-19 ne’e bele redús”. Dehan Odete. Apm

Leave a Reply

Your email address will not be published.