FEATUREDIkus LiuNewsPolitika

Molok Ezekuta Fundu COVID-19, Governu Haruka Uluk Dekretu Lei Ba PR Lú Olo Promulga

Fahe Tutan

Naunil Media (Díli), Ministra Finansas (MF) Interina, Sara Lobo Brites, informa tempu badak sei haruka proposta dekretu Lei ida ba Prezidente Repúblika (PR) Francisco Guterres ‘Lú Olo’ hodi promulga molok ezekuta fundu prevensaun moras surtu Corona Virus (COVID-19).

Ministra Finansa (MF), Sara Lobo Brites, ba jornalista sira hafoin reuniaun Konsellu Ministrus (KM) iha Centro de Convencões de Díli (CCD), Kuarta (08/04).

“Ohin aprezenta dekretu Lei ida atu regulamenta fundus Covid-19, dekretu Lei ne’e ohin ko’alia liu kona-ba kna’ár konsellu administrasaun nian no ko’alia mos kona-ba finalidade fundu ne’e rasik no despezas sira ne’ebe mak kobre hosi fundu ne’e. Iha  tempu badak sei haruka ba Prezidenti Repúblika tanba dadaun ne’e sei diskute halo alterasaun proposta balun aprezenta hosi inter-ministeriál”, informa Sara Lobo

Nia hatutan, “Mekanismu oinsa fundu ne’e aprova proposta sira ne’ebé mai hosi Konselu inter-ministeriál, nune’e ohin aprova duni husi Konsellu Ministru, maibé sei iha alterasaun balu  espera katak, iha tempu badak haruka ona ba Prezidente Republika atu promulga hodi nune’e ita bele hahu ezekuta fundu COVID-19”.

Nia esplika, Mekanismu atu ezekuta orsamentu ba Covid-19 sidauk, tanba iha parlamentu nasionál autoriza atu foti hosi fundu petrolíferu hodi finansia fundu ne’e.

“Foin iha faze ida atu haruka dekretu ba PR promulga, tanba seidauk promulga labele ezekuta orsamentu ba Covid-19 nian. Prezidente Republika promulga tiha dekretu Lei hafoin Finansas loke konta propriu ida iha banku sentral ba orsamentu Covid-19 nian, foin haruka pedidu ba banku sentar hodi transfere montante ba iha konta para ezekuta”. Dehan governante ne’e. Uar

Leave a Reply

Your email address will not be published. Required fields are marked *