Jurista Timoroan : PR Lú Olo Solusiona Impasse tenke konjuga KRDTL no Polítika

Fahe Tutan

Naunil Media (Díli), Jurista Timoroan sujere ba Prezidente Repúblika (PR), Francisco Guterres ‘Lú Olo’ atu konjuga Konstituisaun Repúblika Demokrátika Timor-Leste (KRDTL) ho polítika hodi solusiona problema impasse politiku iha rai laran.

Kestaun ne’e hato’o husi padre Julio Crispin, akompaña husi jurista Manuel Tilman, Avelino Coelho, José Texeira, hafoin sorumutuk ho xefe estadu iha Palasiu Prezidenciál Nicolao Lobato Bairo Pité, Díli, Kinta (30/01/2020).      

Durante sorumutu ho aman nasaun nian, jurista sira fó sira nia hanoin ba Prezidente buka dalan oinsa hodi hakotu ona impase polítiku iha rai laran ne’ebe la’o kuaze tinan tolu liu maibe seidauk iha solusaun.

“Ami jurista Timoroan mai hamutuk hato’o ami nia hanoin jurídiku konstituisionál ligadu ba situasaun polítika aktual iha ita nia rai hodi kontribui ba solusaun ideal ba xefe estadu sei foti. Husi ami jurista ninia  pozisaun mak  ne’e, situsaun polítika hotu ne’ebé mak ita infrenta ninia dalan tenke hetan fatin iha  konstituisaun”, hateten Padre Julio Crispin.  

Jurista ne’e esplika, “Pozisaun jurista sira mak ita bele tama husi konstituisaun hodi rezolve polítika, ka ita bele tama husi polítika ba konstituisaun hodi resolve probelma polítika,  buat rua ne’e tenke hetan fatin hotu iha ita nia solusaun. Prezidente labele haree husi parte polítika deit, no labele haree husi parte konstituisaun deit, maibe konjuga rua ne’e hamutuk hodi fó solusaun ida ne’ebé politiku no jurídiku ba ita nia situsaun”.

Jurista Timoroan sira kontinua fó esperansa ba xefe estadu Timor-Leste Lú Olo nu’udar aman ba nasaun nian hodi hakotu impase polítiku rai laran. Lop

Leave a Reply

Your email address will not be published.