Cardeal Dom Virgílio Marka Istória Iha TL, Sai Naroman Ba Mundu
Naunil Media (Díli), Padre Ernestu Barreto hateten, Sua Eminênçia Cardeal Dom Virgílio do Carmo da Silva. SDB, marka ona ninia istória, tanba bibi atan ida ne’ebé mak sai hanesan Cardeal primeiru ba relijiaun Katólika iha Timor-Leste.
“Maibé keta haluha ita nia istória iha loron 12 fulan Outubru tinan 1989, bainhira Santo Padre rasik João Paulo segundu sama rai Timor, ita sei hanoin liafuan no jestu tomak ne’ebé nia hatudu iha Tasi Tolu dehan katak, imi mak masin no naroman ba mundu”, dehan Pa Ernestu Barreto ba jornalista hafoin simu Cardeal Dom Virgílio do Carm. SDB, iha Aeroportu internasionál Nicolau Lobato, segunda (5/09).
Padre ne’e hatutan, hafoin ho ninia atetude ne’ebé mak simples hateten, se la’ós imi se tan, se la’ós ohin bainhira tan.
“Ha’u hanoin ohin istória ida ne’e sai fila fali realidade ida to’o ikus santa kreda universal, Amu Papa Francisco hili ita nia Bibi Atan di’ak ida Sua Eminênsia Cardeal Dom Virgílio do Carmo da Silva.SDB, sai hanesan ita ninia Bibi Atan di’ak ida”, Padre esplika.
Nia hateten, Sai Bibi Atan di’ak ida iha ne’e katak, ita lalika orgullu demais no labele hatudu katak ita to’o ona ksolok lolos. Tanba ohin loron la’ós ko’alia kona-bá kuantidade, no estabilidade iha Timor-Leste, maibé oinsá ita hare ona kualidade fiar no domin iha Timor-Leste hodi sai masin no naroman ba mundu.
“Ha’u hanoin buat ida ne’ebé mak interesante tebe-tebes mak ema hotu-hotu intuiziasmu, ksolok no kontente simu ninia Bibi Atan ida ne’e”, dehan nia
Esperansa ba ita hotu iha futuru mak, mai ita la’o hamutuk lori Uma krEda ida ne’e ba oin, no la’o hamutuk lori nasaun ida ne’e ba oin, nia hakotu. LTS
