Reabilitasaun Kampu Voleiból Praia Lesidere Atinji Pursentu 80 (%)

Fahe Tutan

Naunil Media (Díli), Reabilitasaun Kampu Voleiból Praia iha Lesidere Bidau atinji ona pursentu 80 (%) hodi prepara ba taça Comunidade dos Paises da Lingua Portugues (CPLP) 2020 Timor-Leste sai uma na’in.  

Projetu reabilitasaun kampu ne’e responsabiliza husi kompañia DVP Construction Lda, iha ne’ebé tuir kontratu hahú servisu husi fulan Novembru 2019 to’o Abril 2020.

Enjineiru  kompaña DVP Construction Lda, Rufo, hateten  reabilitasaun ba kampu voleibol praia atinji ona ba pursentu 80 (%) no tuir palnu sei termina iha fulan Marsu tinan ne’e.

“Kampu ne’e nia luan sei nafatin tuir medida antes, inklui moru ho kareta no motor nian para fatin. Ami garante katak to’o fulan Abril ne’e bele hotu ona, tanba agora atinji ona pursentu 80 (%) ne’ebé Marsu bele aumenta tan prosentu 20 (%), serbisu bo’ot hotu ona ne’ebé hela hadia de’it ona”, dehan Rufo ba jornalista sira iha Kampu Voleiból Praia Lesidere, Segunda (02/03).

Nia dehan, fasilidade no materiál ba manutensaun mai husi rai liur, hanesan kadeira no redi voleiból nian.

Iha fatin hanesan traballadór Xisto Fernande nia esperansa, reabilitasaun ba kampu Voleiból Praia la’o diak no sei entrega ba Sekretária Estadu Juventude no Desportu (SEJD) iha tempu badak.  

Totál orsamentu ba reabilitasaun kampu voleiból praia hamutuk Dolar Amerikanu 84,302.71. Dvo

Leave a Reply

Your email address will not be published.