País Membru Sira Orgullu Preparasaun TL Ba Taça CPLP

Fahe Tutan

Naunil Media (Díli), Sekretáriu Estadu Juventude no Desportu (SEJD), Nélio Isac Sarmento, hateten maske infrenta impasse politiku maibe membru país Comunidade dos Paises de Lingua Portugês (CPLP) orgullu ho Timor-Leste (TL) ninia preparasaun nudar uma na’in ba taça CPLP 2020.   

Governante iha oitavu governu, Nélio haktuir ba jornalista sira hafoin enkontru preparativus ho reprezentante membru país sira mak hala’o iha salaun enkontru SEJD Sional Lecidere, Díli, Tersa (28/01/2020).  

“Iha enkontru ne’e ita esplika konaba  situasaun impase politiku rai laran ba sira reprentante país membru CPLP. Sira intende no komprende, sira elojiu ho ita nian esforsu, maske ita dadauk ne’e infrenta hela problema impase politiku ne’ebe bele fo impaktu ba realizasaun taça ne’e rasik”, haktuir Nélio.

Nélio dehan, “Timor-Leste nafatin hatudu ninia prontidaun sai uma na’in ba eventu desportivas CPLP, tanba ne’e em termus preparasaun ita la kestionavel”.

Data tentativa realizasaun taça desportivas nee sei akontese iha dia to’o remata iha dia 21  Julhu tinan ne’e.

Iha loron ne’ebe hanesan, bazeia ba despasiu  Primeiru Ministru Taur Matan Ruak nian ba ambitu preparativus ba realizasaun eventu desportu CPLP no Komfrensias das Ministrus Juventude Desportu ne’ebe planeadu halo iha fulan Julhu, Sekretáriu Estadu Nélio Isaac mos hala’o ona enkontru ho liñas ministeriais hodi koalia kona ba preparativu. Aleide fahe responsabliza ba ministériu sira ne’ebe tama iha komisoens, hanesan Ministeriu Turismu, Transporte no Telekomunikasoens, Ministériu Negosius Estrangerius no Koperasaun, Sekretariu Estadu Komunikasaun Sosial, Sekretariu Estadu Arte e Cultura, Ministeriu Defeza no seluk ne’ebe konsentra hodi fo susesu ba objetivu ida. Dvo

Leave a Reply

Your email address will not be published.