PR Lú Olo Felisita Povu Xinés ba Loron Nasionál Popular Xina
Naunil Media (Díli), Kinta (01//10) ne’e, husi Palásiu Prezidensiál Nicolau Lobato, Bairu Pité, Prezidente Repúblika, Francisco Guterres ‘Lú Olo’, reprezenta Povu Timor-Leste hato’o felisitasaun ba Prezidente Xi Jingpin no Povu Xinés iha okaziaun Loron Nasionál Repúblika Popular Xina, 1 Outubru.
Prezidente Repúblika uza oportunidade ne’e agradese apoiu hotu-hotu ne’ebé Governu Xinés oferese ba Timor-Leste, desde inísiu pandemia, ho materiál no ekipamentu.
“Ami hasoru hela periódu ida ho dezafiu boot sira, maibé ha’u fiar katak ho relasaun exelente iha kooperasaun bilaterál entre ita-nia país sira no reforsa atuasaun multilateral, ita sei hakat liu buat at ne’e”, hateten PR Lú Olo. */Pau
