UNDP-UE sei Konstrui Uma Komunikasaun Ida ba PN
Naunil Media (Díli), Programa Dezenvolvimentu Nasoens Unidas (UNDP-Sigla Inglesh) servisu hamutuk ho Uniaun Europeia (UE) sei konstrui uma Komunikasaun ida ba Parlamentu Nasionál (PN) atu fasilita servisu jornalista sira nian iha instituisaun públiku refere.
Embaixadór União Europeia iha Timor-Leste, Andrew Jacobs, hateten apoiu konstrusan ne’e atu garantia di’ak liu-tan servisu jornlista sira ba iha publikasaun informasaun husi Parlamentu Nasionál.
“Ami nia ideia mak atu harii Uma Komunikasaun ida iha parlamentu, nia instalasaun sira mak sala dedikadu ida ba jornalista akreditadu sira ho internet fasilita ba imprime no movel sira, iluminasaun no ligasaun tékniku ba televizaun no rádiu no mos fasilidade ba rádiu iha parlamentu”, Embaixadór União Europeia, Andre Jacobs, hafoin lansa primeira pedra ba konstrusaun Uma Komunikasaun, iha Parlamentu Nasionál (PN), Kuarta (30/09).
Iha Fatin hanesan Reprezentante UNDP, Munkhtuya Altangerel, hateten Uma Komunikasaun ne’e atu harii iha parlamentu nakloke no transparente liuhosi jornalista sira hodi divulga informasaun sira kona-ba atividade palamentár nian.
“Uma Komunikasaun ne’e hodi garante informasaun ne’ebé kualidade no divulga polítika informasaun kona-ba servisu parlamentu nian, tanba loke informasaun sei lori dezenvolvimentu sidadaun sira-nian atu hatene no halo análize ba ativitidade parlamentár nian”, tenik reprezentante UNDP ne’e.
Sekretária Jerál Parlamentu Nasionál, Cedelizia Faria Dos Santos, informa programa ne’e sei finánsia hosi UNDP ho durasaun fulan tolu no hosi Parlamentu la ih apoiu finaseiru ruma hodi apoiu ba konstrusaun ne’e.
“Uma Komunikasaun ne’e konstrui hahú hosi Outubru ne’e, Novembru no Dezembru. Projetu ida ne’e pursentu 100 (%) apoia hosi UNDP, parlamentu nein tau osan ida ba uma komunikasaun ne’e”, dehan Nia.
Nia relata, total orsamentu ne’ebe apoiu husi UNDP no União Europeia ba konstrusaun uma komunikasaun ne’e ho total $100 mill inklui ho fundus formasaun ba jornalista sira kompostu husi ekipamentu hamutuk $232 mill. Orsamentu hirak ne’e husi UNDP sira mak jere rasik to’o entrega Xave ba Parlamentu Nasional”. Ana
