PR Lú Olo : “CNRT Tetu Didi’ak Antes Aprezenta Lista Membru Governu Da-Sia”
Naunil Media (Dili), Prezidente Repúblika (PR) Francisco Guterres ‘Lú Olo’ husu ba Partidu Kongresu Nasionál Rekonstrusaun Timor-Leste (CNRT-Sigla Português) atu tetu didi’ak antes aprezenta lista membru governu da-sia.
Xefe Estadu Timor-Leste Lú Olo hateten lia hirak ne’e ba jornalista sira hafoin hala’o abertura ba Konferensia Nasionál Komisaun Anti Korupsaun bad ala-10 mak hala’o iha Salaun Ministériu Finansas Aitarak Laran, Segunda (24/02/2020).
“Kona-ba Membru na’in 9 ema hotu hatene katak Prezidente la fo pose,tanba nee atu aprezenta lista ema nain 9, partidu CNRT ka partidu seluk tenke hanoin didi’ak. Hau repete, hanoin halo didi’ak, hau repete tan hanoin halo didi’ak molok Aprezenta”, hateten aman nasaun ne’e
Komandante Supremu ne’e hateten Maske dadaun ne’e nia rona husi media katak partidu balun asina ona akta koligasaun atu forma governu da-sia, maibe simbolu unidade nasionál ne’e rekuiñese katak nia seidauk simu karta ofisail ruma
Maske nune’e Lú Olo deklara, sei fo apio ba partidu ne’ebé deit mak forma governu foun, tanba antes ne’e nia rasik mak deside hodi fó tempu ba partidu politiku sira buka konvense malu atu forma governu foun ho ulun malirin no la. Dms
