Governu Tenke Halo Pedidu Autorizasaun Bá PN Foti Osan Sustenta Makina Estadu

Fahe Tutan

Media Naunil (Dili), Kordenadór Programa Monitorizasaun Sistema Judisiariu (JSMP-Sigla Inglés) ba asuntus parlamentu nasionál José Pereira, hateten governu Da-Ualu presiza halo pedidu bá parlamentu atu nune’e hetan autorizasaun hodi foti osan husi fundu petrolifeiru bele sustenta makina estadu, tanba orsamentu duodesimu rasik ne’e nudar orsamentu temporariu de’it.

“Governu halo pedidu bá Parlamentu Nasionál atu bele foti osan, tanbá orsamentu osan duodesimu ne’e atu asegura de’it ba funsionamentu administrasaun públiku maibé ita la bele uza osan limitadu ne’e ba dezenvolvimentu”, dehan Koordenadór ba jornalista Naunil Midia iha nia knaar fatin Colmera, Sesta (21/2).

Tanbá tuir lei JSMP nu.13/2009 kona-ba jestaun finaseira iha artigu 31 ko’alia kona-ba orsamentu duodesimál ho klaru ona katak,orsamentu ne’e hanesan mekanismu ida ne’ebé estadu kria no antisipa situasaun ne’ebé maka akontese bainhira orsamentu fiskál bá tinan foun nia parlamentu seidauk aprova.

Koordenadór ne’e hateten, orsamentu ba tinan fiskál ne’e maka bele uza ba buat hotu-hotu hanesan, setór justisa, agrikultura, edukasaun no seluk tan, maibé osan dodesimal ne’e atu asegura de’it bá funsionamentu administrasaun públiku, maibé ita la bele uza osan limitadu ne’e ba dezenvolvimentu. nia aumenta.

Nia dehan kuandu Timor-Leste lao ho osan duodesimal de’it sei impede diretu sidadaun sira nian ba halo tratamentu ba saúde ne’e preve ba konstituisaun.

“Ha’u nia hanoin kona-ba direitu atu asesu tratamentu ba saúde ne’e direitu ne’ebé maka preve ba ita nia konstituisaun, maibé dala barak la’os dehan direitu ne’e estadu la asegura maibé mós dala ruma tan problema orsamentu entaun ida ne’e sai hanesan dezafius sira ne’ebé sei impede ba populasaun sira nia direitu totalmente la asegura”, José haforsa. Rit.

Leave a Reply

Your email address will not be published.