TDD Aplika Medida Aprezentasaun Preodika Ba Arguidu JAP
Naunil Media (Díli), Loron Tersa, 04/01/2022,liu-husi desizaun Primeriu interogatoriu (PI),Tribunál Distrital Díli aplika medida aprezentasaun preodika semana ida dala ida ba arguidu inisial JAP.
Tanba iha prosesu ne’e, Ministériu públiku promove arguidu ba iha krime insediu forma tentada ne’ebé maka previstu iha artigu 263 kódigu penal Timor-Leste, tan deskonfia arguidu tentativu insediu.
Tribunál halo tiha identifikasaun ba iha arguidu, iha faze alegasaun husi Ministériu públiku husu ba tribunál atu aplika medida kuasaun ne’ebé adekuadu ba arguidu.
Maibé parte defeza husu atu aplika termu identidade rezidensia (TIR) ba arguidu, tanba arguidu rasik iha kolabosaun no momentu nia lanu, no iha intesaun atu buka fali vítima sira para husu fali deskulpa.
Rona tiha husi parte sira ne’e, Tribunál deside aplika medida koasaun aprezentasaun preodika ba iha arguidu.
Tuir kronologia katak, akontesimentu ne’e, akontese iha loron 31 fulan Dezembro tinan 2021 kalan iha área Bemori.
Prosesu primeru interogatóriu ne’e, prezidi husi juiz singular Albertina Neves, Ministériu publiku reprezenta husi prokuradór Reinato Berenahac, arguidu hetan asistensia legál husi defensor públiku Sebastião. RIT
