MS-SEII Sei Halo Asaun Pratika, Prevensaun Feto no Labarik Feto

Naunil Media (Díli), Ministeriu Saúde (MS) serbisu hamutuk ho Governu liu husi Sekretária Estadu Igualdade Jeneru (SEII), no parte sosiedade sivil sira, atu bele halo prevensaun violensia bazea ba jeneru ou halo asaun pratika hasoru violensia domestika no seksual, ne’ebé hasoru feto no labarik feto sira.

Tuir Vice Ministru Saúde (MS), Bonifacio Maukoli, hateten, Parte MS servisu hamutuk ho SEII hodi kria seminariu ida ho parte sosiedade sivil no mós autoridade lokal no entidades hotu-hotu atu haree ba programa ne’ebé halo prevensaun ba VBJ,  ne’ebé akontese ba feto no labarik feto sira hahú husi idade 11-49.

Nune’e husi parte nia, violensia ne’ebé feto no Labarik feto sira hasoru ne’e liu husi formas oi-oin, tanba de’it servisu kona-bá preparasaun uma laran nian ladun maximu bele hamosu violensia hasoru sira.

“Ita hare defensia husi familia rasik purexemplu maun ba servisu bainhira alin ba hela ho maun la kontribui buat, dala ruma sempre mosu violensia, tanba ne’e mak parte SEII halo seminariu ne’e hodi bele involve sosiedade sivil, no autoridade lokal, no ministeriu saúde ne’ebé hola parte iha piral hotu atu hare hodi fo resposta ka halo asaun kona-bá Pratika VBJ ne’ebé feto no labarik feto sira hasoru  violensia domestika no seksual”, dehan nia ba jornalista sira  hafoin seminariu Nasionál  iha Suai Room, Timor Plaza, kuarta ( 13/04).

Nia haktuir, MS iha pilar ida ne’ebé responsavel ba ema hotu no setór hotu atu oinsa bele konsesioliza halai liu ba prevensaun,  atu  nune’e kazu ne’e bele prevene di’ak liu tan hodi  labele akontese bebeik

Ita sei esforsu atu bele halo redusaun kazu VBJ, nune’e iha piral rua,  atu bele hare ba baze legal sira atu bele submete tuir Prosesu legal sira, nia hakotu.  LTS