PDC Husu Militantes Hatubuiliku  Servisu Maka’as, Fo Vitória ba PDC Hetan Asentu PN

Naunil Média (Ainaro), Partido Democrata Cristão (PDC), ho Númeru sorteiu 16 ne’ebe hahú aberta mini kamapana eleitoral politika iha Aldeia Qeorema, suku Nunumoge,  postu aAdministrativu HatuBuilico, Munisípiu Ainaro, ne’ebé iha kampana ne’e Partidu PDC husu militantes husi Hatubuiliku atu servisu Maka’as hodi fo vitória ba partidu ne’e atu hetan Asentu iha Parlamentu Nasionál (PN)

Presidente partidu PDC Francisco de Araújo haktuir, iha mini kampana ne’e partidu PDC fahe no fo Matéria ba militante sira mak hanesan, hafoun Timor ho Jerasaun foun, mai ho vizaun foun, programa foun, aksaun foun, no fo prioridade ba povu nia moris di’ak.

Aleinde ne’e prezidente Partidu mós kompromete katak, bainhira partidu PDC Mak hetan asentu iha parlamentu Nasional PDC iha  planu programa ba tinan lima Mai ne’e tenki halo mudansa ba setor agricultura sira tenki tuir mudansa ne’ebé mak teknolojia, labele nafatin ho situasaun uluk nian.

“Ita hakarak tinan lima mai ne’e tenke halo modernizasaun, modernizasaun ita tenke hahú no halo mákinas sira ne’ebe mak koileta no kuda rasik, ita hatene katak ita nia Agricultor sira agora dadaun ne’e uza manual lori liman no insada, di’ak ida ita halo servisu ida ne’ebe mak presija lalais lalika han tempu fulan ida ou rua mak foin hotu, entaun ita tenke halo modernizasaun” Dehan presidente partidu PDC Francisco de Araújo ba jornalista  hafoin remata aberta mini kanmpanha politika eleitoral partido nian iha Hatubuiliku, Quarta 19/04/20233

Prezidente partidu ne’e mós hatutan, PDC mos tau prioridade ba seitor turizmu Sira nebe Mak iha hatubuiliko liuliu seitor turismo nasional, relijiozu Ramelau ne’ebé Mak seidauk iha kondisaun di’ak no presija Hadia no prepara ho kondisoens ne’ebé favorável.

“Ida mos ita presija hadia fatin turizmu sira ne’ebé mak hatama retornu ba estadu, ita hatene fatin turizmu hanesan Nain feto Ramelau diak ida tau hela fatin historiku no fatin ne’ebe religiozu ne’ebé abandona la tau matan no mos hadia fatin turizmu sira seluk hanesan  kristu Rei fatin diak ida maibe abandona ema tama estraga la iha kontrolu maximu, ne’ebé ita hakarak asegura hadia fatin sira, Hanesan ba Ramelau karik la iha infrastrutura, la iha hotel restorante, no la iha fatin seguru ba ema atu halo vizita,  entau tenke halo modernizasaun hadia sistema sira hansan ne’e”.Tenik prezidente

Enkuantu politika Partidu PDC nian, mai ho lideransa foun no mileneal hakarak muda sistema ne’ebe mak ladun di’ak no koko atu hadia ho programa ne’ebe mak estabelece ona no kontinua hadia buat ne’ebe mak  presija hadia kontinua hadia.

Entretantu vise  presidente partidu PDC, Domingos da Costa  mos husu ba kordenador munisipio to suku no aldeia atu sérvisu makaas hodi Lori vitória ba partidu PDC atu bele Hetan asentu iha parlamentu Nasional para bele resolve problema sira hanesan Hadia estrada liga maubisse ho Hatubuiliko ne’ebé mak durante ne’e povu hatubuiliko hasoru iha era ukun an, atu nue’e komunididade Sira bele Asesu sira nia produtu lokal ba merkadu rejional no nasional, no mos bele dada turista lokal no internasional sira bele vizita nain feto Ramelau.

Tanba ita hatene katak iha Hatubuiliko ne’e produtu lokal barak, hanesan Repollu, fehuk ropa, koto no seluk tan, Maibe produtu Hirak ne’e atu asesu ba merkadu ne’e nia alternativa mak Ita tenki hadia uluk dalan Mak lori produtu Sira ne’e ba merkadu, nune’e mos turista sira mai vizita ita nain feto Ramelau mos kontente Tanba dalan Diak tebes. Aba